Вести › Набрзинка

Судијката од Талир 2 го пуштила од притвор за дрога возачот што ја усмрти Фросина

31 јануари 2025

Возачот Васил Јованов, кој завчера ја усмрти младата Фросина Ќулакова возејќи со 130 километри на час на булеварот Партизански одреди, минатата година бил ослободен од притвор за дело поврзано со неовластена трговија со наркотици.
Иако во моментот бил полнолетен, судот пресудил да биде упатен во воспитно-поправен дом за малолетници.
Пресудата, како што потврдуваат од Основниот кривичен суд Скопје, ја донела судијката Даниела Алексовска Стојановска, позната по тоа што го водеше случајот Талир 2 во кој донесе пресуда триесетина штабови на ВМРО-ДПМНЕ вклучително и главното седиште во центарот на Скопје да се конфискуваат.
По средното училиште Фросина ја почнала модната академија, но нејзиниот живот згасна чекорејќи на пешачки кај „Силбо“.

31 јануари 2025

По кратко боледување, на 42 годишна возраст почина новинарот Ѓорѓи Томиќ.
Долги години (од 2007 до 2018 година) беше дел од редакцијата на Канал 5, каде работеше и како уредник во информативната редакција. Во новинарската кариера следеше настани од надворешната политика.
Колегите го паметат како добар новинар и голем другар.

31 јануари 2025

Пред пекарата Силбо на Партизанска, каде што смртно беше прегазена 22 годишната Фросина Кулакова од Неготино се организира протестен собир поради хроничното дивеење на возачите кое одзема животи.
И во Неготино граѓани се организираат за да порачаат дека е доста за дивеењето низ улиците, за неказнивоста на прекршителите и за небезбедноста на граѓаните, предизвикана од недопирливи поединци.
20-годишниот возач Васил Јованов, кој ја усмрти Фросина возел пијан и без возачка дозвола, со огромна брзина и поминал на црвено светло додека девојката го поминувала булеварот на пешачки премин.
Претходно тој бил обвинет за продавање дрога и во таа постапка бил во притвор, но скопскиот Кривичен суд му го укинал притворот и го упатил во воспитно-поправниот дом во Тетово, иако бил полнолетен.