Вести › Набрзинка

„Стевче Маркица“ се има окомено на зеленило, фонтана и детско игралиште

4 јули 2023

И покрај одамна искажаното незадоволство од граѓаните на Карпош, градоначалникот Стевче Јакимовски на состанок нас Советот в среда ќе се обиде детското игралиште, фонтаната и огромното зеленило покрај булеварот „Теодосиј Гологанов“ да ги претвори во згради.
Карпошани најавуваат протест бидејќи според нив, ова е „криминална промена на урбанистички план во Општина Карпош од страна на сегашниот градоначалник Стевче Јакимовски“.
„Ова се прави со цел да се добие сообраќаен пристап за градежна парцела на која се наоѓа маркица за градење на 4 згради. Една зграда е со 11 ката и поткровје, една со 7 ката и поткровје и две згради со 6 ката и поткровје. Се уништува зеленило со километри и се заменуваат паркинг места за 17 згради и 50 куќи со сервисна улица“. Дали вреди за 3 згради и профит за два-тројца да се уништува животот на 3.000 жители од ‘вашата’ oпштина? го прашуваат Јакимовски жителите на Карпош.

извор

Сè си е на место: Венецуелска нафта тргна кон Израел

11 февруари 2026

Само еден месец по заробувањето на Николас Мадуро од страна на американските специјалци, Венецуела ја испраќа својата прва пратка нафта во Израел после долго време.
Последен пат Израел доби нафта од Венецуела во средината на 2000 година.
По заробувањето на Мадуро, Трамп најави дека САД ефикасно ќе ја „управуваат“ државата сè додека не се случи „разумна“ политичка транзиција и изнуди рекетарски договор со Венецуела.
Многу брзо по десантот на Венецуела, Шеврон, единствената западна компанија на која ѝ е дозволено да вади венецуелска нафта, почна да го прави тоа со рекордно темпо.

извор

Украинците во мај ќе гласаат за претседател и за мировен договор?

11 февруари 2026

Под притисок од САД, Володимир Зеленски планира во мај да закаже задоцнети претседателски избори паралелно со референдум за мировниот договор што до тогаш се очекува да го постигне со Русија, според извори на Фајненшл тајмс. Од Зеленски се очекува да го објави овој план на 24 февруари, на четвртата годишнина од руската инвазија.
Вашингтон му се заканил на Киев дека двете гласања мора да се одржат најдоцна до 15 мај. Во спротивно САД ќе ги повлечат понудените безбедносни гаранции. Администрацијата на Доналд Трамп веќе најави дека сака договор за крај на војната најдоцна до јуни, за да може да се посвети целосно на среднорочните избори за Конгресот во ноември.
Петгодишниот претседателски мандат на Зеленски требаше да заврши во април 2024 година, но тој постојано ја обновуваше воената состојба, која спречува одржување избори. Лани во декември изјави дека е спремен за избори ако може да се гарантира безбедност, но потоа додаде дека изборите се невозможни поради војната, руската окупација и милионите раселени лица.
За да бидат меѓународно признати резултатите од изборите, мора да учествуваат најмалку една половина од гласачите регистрирани пред војната, изјавиле изворите на Фајненшл тајмс.
Според најновата анкета од Ипсос, Зеленски заостанува за 3% зад Валериј Залужни - неговиот амбасадор во Британија, поранешен врховен воен командант и потенцијален независен кандидат.

извор