- Падот на авионот на Азербејџан ерлајнс, кој се срупи кај казахстанскиот град Акту, го имаат преживеано 27 лица, меѓу кои и деца.
- Причината за авионската несреќа во Казахстан можеби е судир со јато птици, соопштија властите. Според прелиминарните информации објавени од руското воздухопловно регулаторно тело, пилотот решил принудно да слета откако авионот, моделот Ембраер 190 на Азербејџан ерлајнс, претрпел удар по што експлодирал резервоарот за кислород во авионот.
- Акциите на Тесла вртоглаво паѓаат откако нејзиниот сопственик Илон Маск најави дека ќе формира Американска партија, како трета политичка опција во земјата. Инвеститорите продаваат, убедени дека навлегувањето на Маск на политичката сцена ќе им нанесе голема штета на неговите компании.
- Во тргувањето пред отворањето на берзите, вредноста на акциите падна за 7%, со проценка дека загубите на Тесла ќе достигнат 70 милијарди долари. Загубите на Маск лично би биле 9 милијарди во еден ден.
- Претседателот Доналд Трамп синоќа ја оцени Американската партија како „смешна“.
- „Третите партии никогаш не функционирале, па тој може да се забавува, но јас мислам дека е смешно. Жал ми е што гледам како Илон Маск во изминатите пет недели излета од колосек и стана крш“, порача Трамп на својата социјална мрежа.
- Тој повторно оцени дека Маск е гневен поради бришењето на субвенциите за електрични возила во новиот Голем убав закон за буџет и трошоци на САД.
- Доналд Трамп ќе воведе дополнителни 10% тарифи за увоз на производи од земјите од блокот БРИКС (Бразил, Русија, Индија, Кина и Јужна Африка).
- „Секоја земја што се приклонува кон антиамериканските политики на БРИКС ќе добие уште 10% тарифи. Нема да има исклучоци за оваа политика“, објави Трамп.
- БРИКС вчера го почна својот самит во Рио, на кој не присуствуваат рускиот претседател Владимир Путин и кинескиот Си Џинпинг. На отворањето, бразилскиот лидер Лула да Силва изјави дека земјите од блокот денес претставуваат една половина од светското население и 40% од глобалната економија.
- Задутре завршува рокот од 90 дена што Трамп им го даде на земјите низ светот да склучат билатерални трговски договори со САД или да се соочат со „реципрочните тарифи“ што ги најави во април. Со некои земји е постигнат договор, а 12 до 15 поголеми партнери и стотина помали ќе добијат писма со ултимативни понуди. Министерот за трговија Хауард Лутник објасни дека царините ќе стапат на сила од 1 август.
