Вести › Набрзинка

Словенците го отфрлија законот за асистирано самоубиство

24 ноември 2025

Со 53% наспроти 46% од гласовите Словенците на референдум вчера го отфрлија законот за „потпомогнато самоубиство“, кој им овозможуваше на свесни пациенти што тешко страдаат од неизлечиви болести да побараат асистенција да си го завршат животот.
Сочувството победи. Словенците ја отфрлија владината реформа за здравство, пензии и социјални работи базирана врз смрт со труење, изјави конзервативниот активист Алеш Примц, кој ја водеше кампањата за отфрлање на законот.
Законот, усвоен во Парламентот во јули, не се однесуваше на пациенти од ментални болести и налагаше претходно да бидат исцрпени сите опции за медицинско лечење.
Откако законот беше отфрлен на референдумот, владата нема право една година да предлага мерки за ова прашање. „Порано или подоцна ќе имаме таков закон. Следниот пат ќе го направиме подобар“, изјави Андреј Плетерски, еден од авторите на законот.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор