Вести › Набрзинка

Силјaновска Давкова ѝ положи заклетва на Македонија

12 мај 2024

Гордана Силјановска Давкова со давање свечена заклетва стана шестиот по ред шеф на државата од независноста.
„Изјавувам дека функцијата претседател на Македонија ќе ја вршам совесно и одговорно. Ќе ги почитувам уставот и законите и ќе го штитам суверенитетот, територијалниот интегритет на Македонија“, изјави Силјановска Давкова која потоа доби громогласен аплауз од присутните во собраниската сала.
„Сакам да им се обратам на жените. Ќе ги заборавам лошите моменти, ќе бидам претседателка и на левата и на десната страна. Ќе бидам претседателка на сите граѓани, нема да правам разлика. Ќе се обидам да ги оправдам овие илјадници гласови, тие се најголемата обврска што сум ја имала во животот“, изјави новата претседателка на Република Македонија.
Грчката амбасадорка ја напуштила седницата откако Силјановска кажа Македонија без Северна.

извор

Тарифите на Трамп требаше да го намалат трговскиот дефицит. Го зголемија.

31 јули 2026

Робустните увозни царини на Доналд Трамп не успеаја да го намалат американскиот трговски дефицит кој во последните 18 месеци се зголеми на 1,80 билиони долари, во споредба со 1,74 билиони долари во претходниот период.
„Дефицитот не се намали. Тој се зголеми за 4%,“ го резимираше неуспехот на ваквата политика главниот пазарен стратег за креативно планирање, Чарли Билело.
Макроекономските статистики од Бирото за економски анализи и Бирото за попис на САД го потврдуваат овој постојан структурен дефицит. На ниво на целата година, трговскиот дефицит на стоки во САД се зголемил за 3,86%.
Кумулативните бројки знаат да покажат и позитивни резултати но месечните резултати покажуваат сериозна нестабилност.

извор

Голем дистрибутер на алкохол банкротираше зашто младите не пијат

31 јули 2026

Еден од најстарите американски дистрибутери на вино и алкохол (Republic National Distributing Company) прогласи банкрот после 125 години во бизнисот.
Главна причина се променетите навики за пиење кај помладите генерации.
Компанијата има капитал од една милијарда долари но обврските им станале десет милијарди. Имаат околу 5.000 вработени и околу 100.000 доверители.
Овој дистрибутер, втор најголем во САД, ја има преживеано прохибицијата, повеќе економски рецесии и секакви промени во алкохолната индустрија но не преживеа со публика која попрво би бескрајно да скрола отколку да седнат заедно на пијачка.

извор