- Шведски музички продуцент се шокирал кога при пазарење во маркет со својата ќерка, ги здогледал бонбоните познати по слоганот „Оџачар на грлото“.
- Бил длабоко вознемирен па на социјални мрежи предупредува дека тоа е „нормализиран расизам.“
- „Она што ми го сврте вниманието беше името Негро, но и тоа што на сликата покрај логото имаше белец. За мене тоа симболизирање: „Купете црнец за 10,95 круни. Ме врати во минатото,“ го тупи Близ Бугади.
- Малку да се распрашаше, ќе дознаеше дека зад Негро бонбоните од карамела, анис и ментол не стои никаков расизам туку името на човекот кој го смислил рецептот во 20-тите години на минатиот век, италијанскиот кондиторски мајстор Пјетро Негро.
- Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
- Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
- Делова играла во 60-тина претстави во Драмски театар, а глумеше и во над 30 филмови.
- Луѓето кои користеле канабис во која било фаза од својот живот имаат поголеми волумени во мозочните региони поврзани со меморијата, учењето и извршните функции.
- Користејќи податоци од над 25.000 луѓе на возраст меѓу 40 и 77 години, истражувачи откриле дека умерената употреба на канабис во текот на животот е во корелација со зголемување на големината на четири битни региони во мозокот - хипокампусот, амигдалата, каудатното јадро и и путаменот.
- Со оглед на тоа што овие мозочни региони се поврзани со клучни атрибути како што се емоциите, моторната контрола и меморијата, истражувачите решиле да истражат како употребата на канабис влијае врз когнитивната кондиција од средината на животот па понатаму.
- Испитувајќи податоци од 16.728 лица, уште еднаш потврдиле дека умерената употреба е поврзана со подобри перформанси во задачи што вклучуваат учење, брзина на обработка на податоци и краткорочна меморија.
- Неодамна во Македонија беа запленети 40 тони марихуана. Знаете ли колку мозочен волумен може да добие колективниот ум на Македонецот кој во свeтски споредби и онака кубури со IQ?
- Кажавме што имаме да кажеме.
