Вести › Набрзинка

СДСМ од Пендаровски барале да го амнестира Груевски

2 јуни 2026

Стево Пендаровски го одбил барањето на СДСМ да го амнестира Никола Груевски за тој да се врати во земјата и да обезбеди дополнителни гласови потребни за промена на уставот.
Од друга страна, Мицкоски го одбил предлогот на Заев, широка коалиција да ги внесе Бугарите во уставот а потоа вмровците да добијат предвремени избори.
Поранешениот претседател би се вратил во политиката кога би се создал силен опозиционен блок кој би можел да го симне ВМРО ДПМНЕ од власт.
Дотогаш, нека размислува за опцијата дека кога не би бил претседател, и тој би се иселил од Македонија.

Види и:
Собрани недела на Стево
Топењето на Стево, од јануари до јули

извор

Трамп се откажува од фондот за „жртвите на политички прогон“

2 јуни 2026

По жестоки критики од републиканските сопартијци, Доналд Трамп е решен да го повлече планот за фонд од 1,776 милијарди долари за обештетување на лица што биле „жртви на неправедно гонење“ од претходната администрација.
Фондот е дел од договорот Трамп да го повлече барањето за отштета од 10 милијарди долари од американската УЈП поради протекување на неговите даночни пријави пред седум години. Критичарите го опишаа фондот како шема со која Трамп ќе ги наградува своите политички сојузници.
Судијката која ја следеше тужбата на Трамп против УЈП ненадејно повторно го отвори случајот за да истражи „сомневања за измама“, бидејќи претседателот тужи агенција што ја контролира и на тој начин е на двете страни во случајот.
Изворите на Њујорк тајмс велат дека не е јасно дали претседателот отстапува и од дополнението на правната спогодба, која му обезбедува на Трамп лично, на неговото семејство и на неговите бизниси имунитет од даночни ревизии.

извор

Американско нуклеарно оружје во Полска и балтичките земји?

2 јуни 2026

САД дискутираат дали да распоредат нуклеарно оружје во повеќе европски земји за да ги убедат сојузниците од НАТО дека повлекувањето на конвенционалните сили не ги ослабува безбедносните гаранции.
Се разгледува можноста за дополнителни распоредувања надвор од шесте европски земји во кои сега има американски бомбардери што можат да носат нуклеарни бомби – Белгија, Британија, Германија, Италија, Холандија и Турција, изјавиле три извори за Фајненшл тајмс.
Најзаинтересирани домаќини се членките на НАТО што се на границата со Русија - Полска и балтичките земји.
Уште од време на Студената војна Вашингтон има единствено овластување за употреба на американското нуклеарно оружје распоредено низ Европа. Овој нуклеарен чадор се смета за незаменливо средство за одвраќање.

извор