Вести › Набрзинка

СДСМ му пукаше во нозе на договорот за пријателство со Бугарија

3 ноември 2021

Бугарското Министерство за надворешни работи подготвува нов предлог за позицијата на Софија во однос на Македонија по „црната“ кампања на СДСМ против Данела со бугарското државјанство на новата градоначалничка на Скопје.
Според бугарското МНР со оваа кампања е прекршен член 11 став 6 од Договорот за добрососедство и пријателство меѓу Македонија и Бугарија.
Во членот 11 став 6 од Договорот се вели дека „двете договорни страни ќе преземаат ефикасни мерки за спречување недобронамерна пропаганда од страна на институции и агенции и ќе обесхрабруваат дејности на приватни субјекти, насочени кон поттикнување на насилство, омраза или други слични дејствија, кои би им наштетиле на нивните односи“.

6 октомври 2026

Мерката куќен притвор за Артан Груби ќе истече на 13 октомври. Согласно Законот за кривичната постапка, притворот во вакви случаи може да трае најмногу 60 дена од денот на поднесувањето на обвинителниот предлог.
И по истекот на куќниот притвор ќе продолжи да важи дополнителната мерка на претпазливост – привремено одземање на патната исправа и забрана за издавање нова патна или друга исправа за преминување на државната граница.
Груби и неговата одбрана бараат и таа мерка да биде укината.
Како гаранција дека ќе биде достапен на органите на прогонот во текот на кривичната постапка, нуди недвижен имот во вредност од 335.707 евра.

5 октомври 2026

Околу 500 средни училишта во Франција се затворени заради протестите на учениците во нивните лицеи кои минатите денови знаеја да бидат и насилни.
„Безбедносните услови не се исполнети“ гласи официјалната причина за неработењето, особено што за утре се најавени и помасовни протести.
24 училишта биле запалени или ограбени а 78 вработени повредени од почетокот на протестите.
Тинејџерите од француските средни училишта се жалат на чести отсуства од работа од страна на наставниците, предолги училишни денови и дотраени објекти. Тие протестираа и поради недостатокот на соодветно ладење во жешките летни денови.