- Американските сили уништија и втор брод на венецуелски нарко-картел што носел дрога за САД, објави претседателот Доналд Трамп. Нападот бил извршен во меѓународни води. Загинале три лица на бродот.
- „Овие екстремно насилни картели за шверц на дрога претставуваат закана за националната безбедност, надворешната политика и виталните интереси на САД“, порача Трамп. Посочувајќи на остатоците од бродот по нападот, тој подоцна истакна дека биле пренесувани вреќи со кокаин и фентанил.
- Венецуелскиот претседател Николас Мадуро објави дека неговата земја ќе се бори против агресијата од САД. Шефот на американската дипломатија Марко Рубио го нарече „господар на смртта и војната“.
- И на 2 септември САД извршија напад врз брод, за кој сметале дека ѝ припаѓа на венецуелската нарко-банда Трен де Арагва. Загинаа 11 луѓе.
- САД испратија седум борбени бродови и една нуклеарна подморница во јужните карипски води и уште десет борбени авиони ф-35 во базата во Порторико, заради операцијата за запирање на шверцот на дрога од латиноамериканските земји. „Ќе ги најдеме, ќе ги убиеме и ќе ги разбиеме нивните мрежи низ нашата хемисфера, во време и места по наш избор“, објави шефот на Пентагон Пит Хегсет.
- Следејќи некои „дебати“ на социјалните медиуми неодамна, се’ повеќе сум уверен дека се враќаме наназад и стануваме поглупави и понефункционални како општество.
- Можеби повеќе не сме Homo sapiens – „мудриот човек“. Ниту пак сме Homo economicus, наводно рационалниот актер во класичната економија. Сè повеќе стануваме Homo idioticus – суштество дефинирано, не од мудрост или логика, туку од емоционални импулси, дезинформации и интелектуална инерција.
- Изгледа на социјалните медиуми им се потребни „идиоти“. Затоа станаа нивен расадник. Не гледам проблем во тоа да им дозволиме на „идиотите“ да кажуваат идиотски работи. Друго и не може да очекувате од „идиотот“. Проблемот е што платформите преживуваат со пронаоѓање на највирулентните идиотизми и нивно глобално ширење. Едноставно кажано, благодарение на социјалните медиуми, „идиотите“ сега имаат платформа да ја објават својата глупост пред целиот свет.
- СДСМ остро го осуди настапот на српскиот претседател Александар Вучиќ (види овде - н.з), оценувајќи дека неговите изјави претставуваат навредливо и недолично однесување кон заменик-генералната секретарка на НАТО, Радмила Шекеринска.
- Партијата вели дека Вучиќ е познат по тоа што ги навредува сите оние кои не ги делат неговите ставови или му пречат.
- Вучиќ малициозно нагласил дека ‘оваа жена и луѓето кои доведоа до сецесија’“, па СДМС оценува дека нагласувањето на нејзиниот пол во политички контекст е понижувачко и ирелевантно за аргументите што ги изнесува.
- Ваквиот речник не бил само личен напад, туку дел од поширок проблем на деградирање на жените во политиката.
