Вести › Набрзинка

САД и Киев ќе го делат пола-пола профитот од украинските минерали

1 мај 2025

Вашингтон и Киев потпишаа договор за заедничка експлоатација и поделба на профитот од продажбата на украински минерали и ретки земји и за американски инвестиции во реконструкцијата и одбраната на Украина.
Рудните богатства, нафтата и гасот ќе останат сопственост на Украина. Договорот ги опфаќа само новите проекти и лиценци за експлоатација. Профитот и вложувањата нема да се оданочуваат.
Се создава Инвестициски фонд за реконструкција на Украина, кој се очекува да привлече глобални инвестиции. Украина и САД се рамноправни партнери во фондот, ќе го делат профитот 50-50 и ќе имаат еднакви гласачки права.
Вицепремиерката Јулија Свириденко, која го потпиша документот во Вашингтон, изјави дека САД ќе ѝ дадат нова поддршка на Украина, како системи за противвоздушна одбрана.
Во договорот не е вклучено барањето од Трамп - Украина да ја исплати во минерали воената поддршка од стотици милијарди долари што ја добиваше од САД во изминатите три години.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор