Вести › Набрзинка

САД и Европа не можат да договорат нов меѓународен претставник за БиХ

1 јули 2026

Делегациите од САД и од Европа вчера во Сараево не успеаја да договорат нов висок меѓународен претставник за Босна и Херцеговина, на местото на германскиот политичар Кристијан Шмит, кој денеска заминува од функцијата.
Советот за имплементација на мирот - меѓународно тело задолжено за надгледување на Дејтонскиот мировен договор – ја усвои оставката на Шмит и објави дека новиот висок претставник ќе биде избран што е можно поскоро, најдоцна до 14 јули. До тогаш функцијата ќе ја извршува американскиот дипломат Луис Кришок, заменикот на Шмит.
Има двајца кандидати за функцијата - италијанскиот дипломат Антонио Занарди Ланди, кој ја има поддршката од САД, и францускиот Рене Троказ, со поддршка од Британија и Германија.
Германскиот дипломат Шмит, кој во својот мандат постојано беше во судир со лидерот на босанските Срби Милорад Додик, во мај ненадејно објави дека ја напушта функцијата, поради политички притисок од Вашингтон.
САД инсистираат идниот висок претставник да префрли дел од своите широки надлежности врз босанските институции. Русија пред Советот за безбедност на ОН во мај побара оваа функција целосно да биде укината.

извор

АНБ со мирис на УДБА

1 октомври 2026

„Агенцијата за национална безбедност, во соработка со МВР и Обвинителството, спроведе истрага за пропагандна мрежа која, според Агенцијата, дејствува во функција на руските интереси“.

* Бедно и предавнички е да се работи во функција на кои било странски интереси ама дали руските имаат посебна предавничка тежина? Ене го, УСАИД уште не е оладен, не можело и за тоа истрага да се спроведе?

„Преку овие псевдо-портали се шират лажни вести, дезинформации и се врши преобликување на наративи за актуелни настани...“

* Дозволени се само официјални наративи на актуелни настани а нивно „преобликување“ е рамно на извртување на божји наративи? Ако е така, каде да ги прочитаме дозволените наративи?

„Агенцијата порача дека ќе продолжи со откривањето и спречувањето на пропагандистичките активности кои ги поткопуваат евроинтегративните процеси на земјата“.

Една од најмоќните владини агенции е спрегната да им дише во врат на сите кои не се одушевени од евроинтегративните процеси? Има ли АНБ досиеја за сите оние кои се неутрални, кои навиваат за БРИКС, за конфедерација со Кина, Мароко или Виетнам?

п.с. Не заболе нас патка за руски и други странски интереси, но сме дебело засекирани што постои Агенција која вака знае вака да се постави во однос на слободата на мислењето и изразувањето. Бидејќи со мислење и изразување се занимаваме.

Јебале вас „наративи“.

извор

Германија го признава гревот кон Западен Балкан

1 октомври 2026

Германскиот министер за надворешни работи Јохан Вадефул ги повика членките на ЕУ да ги исполнат своите ветувања за проширување кон Западен Балкан. Предупреди дека со тоа, Унијата го ризикува сопствениот кредибилитет и влијание во регионот.
Вадефул потсети дека ЕУ им вети членство на земјите од Западен Балкан на самитот во Солун во 2003 година. Тој го критикуваше и германскиот учинок, потсетувајќи дека поранешната канцеларка Ангела Меркел го започна Берлинскиот процес 11 години подоцна, во 2014 година.
И покрај ова, нема конкретен напредок дури и по уште 12 години.
„Не ги исполнивме нашите ветувања“, рекол министерот. „Навистина би ги повикал сите да им покажат дека ветувањето од Солун е реално, дека сме веродостојни и дека на Европа може да се потпреме“.

извор