На 60 годишна возраст почина Ендрју Флечер, клавијатурист и еден од основачите на Дипиш мод.
Со Мартин Гор и Винс Кларк гo прават бендот Басилдон, после доаѓа Гејв Гахан а Кларк заминува во Јазу.
„Флечер имаше златно срце. Секогаш беше тука кога ќе ти требаше поддршка, муабет, добро смеење или ладно пиво“, напишаа другарите од бендот.
Освен инструменталниот дел, Флечер се бавел со менаџерски работи и без него не било можно постоењето на меѓународната корпорација позната како Depeche Mode.
Судот за меѓународна трговија на САД ги прогласи за нелегални царините од 10% што претседателот Доналд Трамп ги воведе во февруари како привремена мерка.
Врховниот суд во февруари ги прогласи за нелегални глобалните царини што Трамп ги воведе лани. Тоа им овозможи на повеќе од 330.000 увозници да побараат од државата да им ги надоместат трошоците што им биле нелегално наметнати.
Трамп уште истиот ден воведе привремени царини, повикувајќи се на Членот 122 од Законот за трговија од 1974 година, кој на претседателот му дозволува да воведе привремени царини до 15% во времетраење до 150 дена за да се справи со „големи и сериозни дефицити во платниот биланс“.
Трговскиот суд сега пресуди дека објаснувањата што ги приложил Трамп не оправдуваат да се повика на овој Член.
Администрацијата на Трамп најави дека ќе ја обжали пресудата, а веќе има спремно и „План Ц“ - да ги оправда царините врз основа на друг член, кој овозможува „реакција на нефер трговски практики“.
Крај на војната со Иран пред почетокот на Светското првенство во фудбал прогнозира хрватскиот политолог Жарко Пуховски.
Главна причина за повлекување на Трамп ќе биде притисокот на финансиските пазари и цената на горивата во година во која чекаат избори: цената на бензините во САД е зголемена за 50% од почетокот на војната.
„Трамп би можел да најде излез со отворање на Ормускиот теснец, на Иран, кој ќе биде воено онеспособен на долг рок, ќе му се дозволи повторно да продава нафта, ќе му се укине блокадата на иранските пристаништа и евентуално ќе се постигне договор за следење или одземање на нивните резерви на збогатен ураниум.“
Пуховски вака ја сумира блискоисточната авантура на американскиот претседател: „Трамп воено победи но политички ја изгуби војната“.
