Република Српска ја отфрли пресудата против Милорад Додик
27 февруари 2025
- Народното собрание на Република Српска констатираше дека Судот на БиХ со пресудата од 1 година затвор и 6 години забрана за политичко делување за Милорад Додик, извршил чин на државен удар и целосно уривање на уставниот поредок на БиХ.
- Усвоен е став дека судот донел пресуда врз основа на одлука на неизбраниот странец Кристијан Шмит, а не на основа на закон донесен од парламентарното собрание на БиХ.
- Додик и директорот на Службениот весник на РС, Милош Лукиќ (кој беше ослободен), беа обвинети затоа што во 2023 година овозможиле објавување во Службениот весник два закона кои ги донесе парламентот на РС а високиот претставник Кристијан Шмит претходно ги поништи.
- Пресудата не е правосилна и постои можност за обжалување. Додик казната може и да ја откупи за 36.000 конверибилни марки бидејќи според законот, казните до една година можат да бидат откупени.
