- Без јасно дефинирање на должината на присуство или отсуство од Македонија како критериум за разграничување на лицата кои се резиденти или нерезиденти и без дефиниција за категоријата вообичаено место на живеење, беше јасно дека ова ќе биде т.н. попис со отворени можности за организаторите да манипулираат со податоците во текот на нивната обработка, пишува во анализата на пописот проф. д-р Благица Новковска, универзитетски професор, меѓународен консултант и екс директорка на Државниот завод за статистика.
- Биле самопопишани/попишани/допишани и класифицирани како нерезиденти 260.606 лица. Овие нерезиденти се сместени/ разместени по општините во Македонија каде што живеат резидентите. Ова е ‘најиновативниот’ дел од политичкиот попис. Имено, не постои статистички стандард, ниту методолошко објаснување според кои нерезидентите, коишто се всушност резиденти во други земји, би биле распределени како да се тука.
- Во заклучок може да се каже дека е направен пописен инженеринг за договорени политички цели, спротивно на сите статистички принципи и меѓународни стандарди. Податоците произведени на таков начин не само што не можат да бидат употребени за прецизни анализи и креирање политики, туку можат да нанесат огромна штета со нивната употреба.
- Хрватската полиција во Пула го уапси украинскиот нуркач Володимир Журавлев, кого германското судство го сомничи за кревање во воздух на гасоводот „Северен тек“ во 2022 година - додека работел на филм кој се занимава токму со таа саботажа.
- Се работи за холивудски политички трилер во режија на прославениот режисер Даг Лиман (The Bourne Identity, Mr. & Mrs. Smith, Edge of Tomorrow...), со Шон Пен и Адријан Броди, директно инспириран од експлозиите кои го уништија Северен тек а следи операција на тајна екипа украински нуркачи во исклучително опасна мисија.
- Журавлев бил ангажиран на снимањето на подводните сцени каде бил лоциран и уапсен.
- Ова е трет обид за негово приведување.
- Пред две години избегна апсење во Полска од каде со автомобил на украинскиот воен аташе бил префрлен во Украина.
- Една година подоцна повторно се појави во Полска, полицијата го приведе, но полскиот суд одби да го екстрадира во Германија со образложение дека уништувањето на руската енергетска инфраструктура е легитимна воена цел во воени околности. Но, налогот за апсење од сојузниот суд во Карлсуе остана на сила.
- Владо Таневски беше новинар и сериски убиец кој за убиствата на неколку жени пишувал хонорарни статии и репортажи. Заврши со мистериозно (само)убиство во кофа вода.
- Основното јавно обвинителство за гонење на организиран криминал и корупција не утврдило основи за сомнение дека е сторено кривично дело при јавните набавки поврзани со изградбата на 19 модуларни болници.
- Биле анализирани јавните набавки, техничките спецификации, договорите, проектната документација и релевантните законски прописи.
- По анализата на сите докази и извршените проверки, Обвинителството не утврдило факти што би укажале дека службено лице ја искористило или пречекорило службената положба и овластување, или не ја извршило службената должност со цел да прибави значителна имотна корист или да предизвика значителна штета.
