Вести › Набрзинка

Раст на инфлацијата, зголемени трошоци на живот

8 мај 2024

Во април годинава трошоците за живот на граѓаните се зголемени за четири отсто во однос на истиот период лани. Растот на инфлацијата најмногу е изразена кај здравствените и угостителските услуги, трошоците за храна и алкохолни пијалаци.
Во однос на храната, за една година најмногу поскапеле овошјето и зеленчукот, потоа чоколадите и останатите кондиторски производи, а континуиран раст на трошоците граѓаните имаат и при набавката на млечните и месните производи како и за лебот и житарките.
Трошоци на живот април 2024/ април 2023

Овошје 26,4%
Зеленчук 12,7%
Шеќер, мед, џем, чоколади 6,7%
Млеко, сирење, јајца 3,2%
Месо 0,9%
Леб и жита 4,9%

извор

На 93 години, Вили Нелсон ги повикува тексашани на борба против дата-центрите

31 јули 2026

Легендарниот кантри музичар бара сојузници против изградбата на дата-центри за вештачка интелигенција во неговиот роден град во Тексас.
Се работи за гратчето Абот во кое Нелсон е роден и уште живее. „Тука сум пораснат, тука имам фарма, тука уште можеме ноќе да гледаме ѕвезди на небото,“ напиша Вили Нелсон во јавниот повик за отпор против најавените 56 нови дата центри во централен Тексас.
Вели дека последно нешто што им треба на луѓето се бучни дата центри кои ќе ја пијат водата и ќе ја загадуваат светлината.
Меѓу другото, стариот се занимава со производство и преработка на канабис и во писмото ѝ оддаде почит на рурална Америка чиј успех доаѓа од „генерации луѓе, отворени простори, локален бизнис и поврзаност со земјата“.
Последната популарна линија производи му се безалкохолни пијачки инфузирани со ТХЦ (овде)

извор

За 24 часа во Шпанија упаднале 60.000 мигранти

31 јули 2026

Повеќе од 60.000 мигранти од Мароко упаднале на шпанската територија Сеута во изминатите 24 часа, објави претседателот на енклавата со 83.600 жители.

Во хаотичната инвазија преку море и преку оградата загинале најмалку 43 луѓе.
До денеска попладне, околу 37.500 доброволно се вратиле во Мароко. Другите настојуваат да продолжат кон континенталниот дел на Шпанија - поттикнати од неодамнешната одлука на премиерот Педро Санчез да легализира половина милион мигранти.
Премиерот ја нарече ситуацијата „напад“ и вината ја префрли врз организираните шверцери на мигранти.
Санчез додаде дека Мадрид соработува со властите во Рабат за враќање на сите нелегални мигранти во Мароко што е можно побрзо. Полицијата од мароканската страна денеска со пендреци и солзавец спречувале уште илјадници луѓе што настојувале да се префрлат во Шпанија.
ЕУ ја оцени ситуацијата како „неприфатлива“ и инсистира дека „враќањата мора да бидат брзи, како што дозволуваат правилата“. Европската комисија ѝ вети помош на Шпанија да се справи со кризата.
„Снимките од Шпанија се тажен потсетник за последиците од масовната миграција и од радикално левичарските глобалистички политики што ја овозможија инвазијата врз Западот“, оцени американскиот потпретседател Џ.Д. Венс.

извор