Вести › Набрзинка

Путин: Се договоривме со Украина а после дојде човекот со чудна фризура и кажа - Не може!

19 декември 2024

Традиционалната годишна конференција Путин овојпат не ја започна со Украина туку со руската економија за која рече дека е стабилна и очекува годишен раст од 3,9 или 4 посто.
Рускиот претседател додаде дека земјата е пред Европа, а по економски раст, пред Русија се Кина, САД и Индија.
За сегашниот тек на војната рече дека руските сили се блиску до исполнување на нивните главни цели на бојното поле и дека секој ден преземаат контрола врз значителен дел од територијата.
За перформансите на неодамна испуканата ракета Орешник, Путин го предизвика Запад на дуел: „Одберете мета во Киев, донесете западна против-воздушна одбрана, па да видиме дали ќе може да го пресретне Орешник“.
Путин потсети дека со Киев речиси бил постигнат договор во 2022 година, но Борис - човекот со чудна фризура - Џонсон ѝ забранил на Украина да потпише договор за мир.

Види: Борис ни Џонсон & Џонсон не го пере

извор

Трамп ги брани иранските демонстранти

2 јануари 2026

САД се спремни да ги бранат иранските демонстранти ако властите во Техеран употребат оружје за да ги задушат протестите, предупреди претседателот Доналд Трамп. „Опремени сме, натоварени и подготвени да тргнеме“, порача Трамп. Тој не објасни како би реагирале САД, но американските сили лани во јуни се придружија на израелските ракетни напади врз иранските нуклеарни постројки.

Масовните протести поттикнати од економската криза и инфлацијата во Иран за четири дена се проширија низ целата земја. Според извештаи на локалната новинска агенција Фарс, полицијата и специјалните сили употребиле сила и огнено оружје за да ги смират демонстрациите и убиле најмалку шест лица. Загинал и еден припадник на Револуционерната гарда.
Иранското раководство се соочува со најголем притисок по 2022 година, кога земјата беше парализирана од протестите поврзани со Махса Амини, младата жена што почина во притвор откако беше уапсена поради тоа што не носела шамија. Полицијата тогаш брзо и сурово тргна против демонстрантите, главно студенти што бараа либерализација.
Овој пат протестите избувнаа од пазарџиите, кои се важен елемент од економијата, па претседателот Масуд Пезешкијан во помирувачки тон побара преговори со лидерите на демонстрациите. Инфлацијата надмина 40%, а храната поскапе за 72% за една година. Ријалот во декември изгуби 20% од вредноста и на црниот пазар падна на историски минимум од 1,3 милиони за 1 долар.

извор

Рамзан Кадиров го накити со медали својот 18-годишен син

2 јануари 2026

Чеченскиот претседател Рамзан Кадиров забрзано го спрема својот 18-годишен син Адам за наследник. Му додели нов медал поради „значаен придонес за обезбедувањето на безбедноста, стабилноста и просперитетот на татковината“.
Премиер Магомед Даудов на свечената церемонија го нарече Адам „енергичен и ефикасен лидер способен да решава сложени проблеми со принципиелност и лојалност кон каузата.“

Градите на младиот Кадиров ги красат едно чудо медали, доделени од неговиот татко, но и од Москва, а ја има и титулата „Херој на Чеченската Република“. Во Руската книга на рекорди е запишан како најмлад шеф на регионална безбедносна служба.
Стариот Кадиров пред една недела итно бил префрлен во болница во Москва поради сериозно влошена здравствена состојба. Локални медиуми тврдат дека лекарите едвај успеале да го реанимираат. По неколку дена тој се појави во јавноста со новогодишна порака до Чеченците.

извор