Вести › Набрзинка

Путин официјализираше анексија на 4 украински региони

30 септември 2022

Владимир Путин прогласи анексија на Луганск, Доњецк, Херсон и Запорожје, припојувајќи кон Русија 15% од територијата на Украина.
„Луѓето од овие региони донесоа одлука. Резултатите од референдумите се добро познати, тоа е волјата на милиони луѓе“, кажа Путин на церемонија во Москва.
Анектираната територија има површина од 90.000 квадратни километри, што е рамно на Португалија или Унгарија.
„Сакам на Киев и на Западот да им порачам дека оние кои живеат во Донбас ќе бидат руски државјани засекогаш. Единствениот начин да има мир е властите во Киев да го почитуваат тоа и да се вратат на преговарачка маса. Русија ќе ги штити своите земји со сите расположиви сили и ќе ги обнови градовите, селата и инфраструктурата“, порача рускиот претседател.

28 јуни 2025

На Славија во Белград денеска се одржаа масовни протести на кои повикаа „студентите во блокада“ на белградскиот Универзитет чие главно барање сега е да се распишат вонредни избори.

По завршувањето на официјалната програма на собирот на кој на собраните граѓани им се обратија неколкумина говорници, меѓу кои ректорот Владан Ѓокиќ, кошаркарската легенда Дејан Бодирога и други, дел од народот се разотиде но еден дел од луѓето се обидоа да дојдат до Пионерскиот парк кадешто се наоѓаат „студентите кои сакаат да учат“, при што дојде до вербални пресметки и кошкање со полицијата.

Денешниот Видовденски протест на кој власта беше „прогласена“ за нелегитимна, беше помалку посетен од импресивните протести на 15 март (види: Белград полн, преполн).
Претходно, токму од фамозниот Ќациленд, Александар Вучиќ порача дека студентите веќе победиле а блокадерите изгубиле.
И опозиционите кругови и Вучиќ најавуваа дека по завршувањето на протестот може да дојде до насилства.

Како и во сите слични острастени ситуации, најгласни се идиотите кои сите што нема да им се придружат, ги прогласуваат за непријатели.

28 јуни 2025

Украинскиот парламентарец ја повлече својата номинација на американскиот претседател за Нобелова награда за мир, која ја поднесе минатиот ноември.
Олександр Мережко, шеф на украинскиот парламентарен комитет за надворешни работи вели дека „изгубил секаков вид верба и надеж“ во Трамп и неговата способност да постигне договор за прекин на огнот меѓу Русија и Украина.
Нобеловата награда за мир одамна е комромитирана титула. Ја имаат добиено Хенри Кисинџер (види: (Донт) Кил Кисинџер) и Барак Обама, и тоа само неколку месеци по стапувањето на функцијата, без никакви конкретни постигнувања во мировните процеси