Вести › Набрзинка

Предизборен комар: Коалицијата на „Европејците“ немаше „среќа“

14 февруари 2024

Пендаровски ги налути, ДУИ ќе одат со свој кандидат за претседател.
Пендаровски сепак не го потпиша указот за законот за игри на среќа донесен со вообичаена злоупотреба на европското знаменце (иако ние се сомневавме во тоа, водени од неговите пишманења за промената на името, измените на кривичниот закон, признавањето дека неговите кандидати за Судски совет не се баш негови...).
Ваквиот потег повлече пропаѓање идејата за заеднички кандидат на СДСМ и ДУИ за шеф на државата.
ДУИ дефинитивно ќе оди со свој кандидат за претседател на државата и тоа најверојатно ќе биде Бујар Османи, пренесува Слободен печат брифирање од висок партиски функционер.
Законот бил многу битен за ДУИ бидејќи на тоа изборно ветување работеле две и пол години.

извор

Градоначалникот на Истанбул соочен со 2.340 години затвор

11 ноември 2025

Против Екрем Имамоглу, притворениот градоначалник на Истанбул, се покренати 142 обвиненија за корупција, за кои е предвидена вкупна казна од 2.340 години затвор.
Обвиненијата на вкупно 3.700 страници се однесуваат на случаи за проневера, измама и перење пари. Покрај Имамоглу, уште 402 лица од криминалната организација „октопод“ се обвинети за предизвикување штета од вкупно 160 милијарди лири (3,3 милијарди евра) во изминатата деценија.
Целта на организацијата, според обвинителите, била преземање контрола врз Републиканската партија и собирање фондови за претседателската кампања.
Имамоглу, кој е во притвор од 19 март, ги отфрла сите обвиненија и тврди дека е жртва на политички прогон, како главен противник на претседателот Реџеп Тајип Ердоган.

извор

Порака од Москва: Бугарија со Лукоил прави опасен преседан

11 ноември 2025

Руската амбаасдорка во Софија смета дека постапките на бугарските власти кон Лукоил се „избрзани и правно сомнителни“ и дека со законот за државно преземање на конртолата на Лукоил тие играат „многу рискантно“ и прават „опасен преседан.“
Елеонора Митрофанова кажа дека со законот за специјален управител на рафинеријата, кој беше усвоен „брзо во две читања“, не само раководството на рафинеријата, туку и акционерите и сопствениците на компанијата ќе бидат лишено од управувачки права. Притоа, сите одлуки на управителот, вклучително и оние во врска со евентуалната продажба на рафинеријата, не подлежат на административна или судска контрола.
„Останува да се види како ќе функционира тој закон но во моментов тоа изгледа како експропријација на туѓ имот,“ вели амбасадорката.
Рафинеријата на Лукоил „Нефтохим Бургас“ е една од најсовремените во Европа, снабдува приближно 80% од пазарот на горива во Бугарија и извезува енергенси во соседните земји.

извор