Вести › Набрзинка

Најдоа кладилниците на кого да се кладат

8 февруари 2024

Асоцијацијата на спортски обложувалници на Македонија (АСОМ) до Пендаровски: Бидете човек, не го потпишувајте Законот за игри на среќа.
„Претседателе, дали сега, кога Вие сте последниот чекор до спроведување на овој контроверзен закон, ќе ги потпишете овие измени? Дали кога сте ставени пред свршен чин, ќе дозволите ваквиот закон, за кој е повеќе од очигледно дека не постои јасна европска директива, да помине без никаква јавна расправа ниту дискусија?, прашуваат АСОМ.
Во тоа обраќање, Пендаровски го нарекуваат „европски ориентиран политичар“, „чувар на нашата колективна благосостојба“ (?!) и го повикуваат „да биде чувар на надежта“.
Ок, да ги потсетиме на чија врата леат солзи:

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор