- Претседателот Доналд Трамп ја потпиша наредбата за создавање владини резерви од биткоини.
- „Ќе задржиме 200.000 запленети биткоини. Нема да продаваме од резервите. Ќе ги чуваме како дигитално злато. Резервите се дигитален Форт Нокс за криптовалути“, изјави Дејвид Сакс, назначен за „криптоцар“ во администрацијата на Трамп.
- Помалку од еден час откако Трамп ја потпиша наредбата, вредноста на биткоинот на берзите падна за близу 5.000 долари.
- „Малку е веројатно дека Конгресот ќе го одобри создавањето стратегиски крипторезерви. Шансите се под 50%“, оцени банката ЈП Морган.
- Владата на Нов Зеланд воведува закон што ќе ги остави без право на глас многумина избирачи. Ќе им биде одземено правото на глас на лицата што издржуваат затворска казна. Граѓаните повеќе нема да можат да се регистрираат за гласање на денот на изборите. Тоа ќе мора да го сторат најдоцна 13 дена пред отворањето на гласачките кутии.
- „Се исфрлаат застарени и неодржливи правила за гласање. Пакетот амандмани ќе го засили системот, ќе помогне навремени резултати, ќе ги намали трошоците и ќе им понуди поефикасни услуги на гласачите“, изјави предлагачот на законот, министерот за правда Пол Голдсмит.
- Јавната обвинителка Џудит Колинс оцени дека законот може да падне пред уставен суд поради судир со правото на слобода на изразување и со правото на гласање.
- „На изминатите избори 97.000 луѓе првпат се регистрираа на денот на гласањето, а уште 134.000 ги променија изборните единици. Приближно толку луѓе ќе бидат погодени од новите правила“, изјави Колинс.
- „Треба да им олесниме на луѓето да гласаат, не да им биде потешко. Така ќе се слушне сечиј глас“, коментира Данкан Веб, пратеник од опозициските лабуристи.
- Бројот на Палестинци убиени од израелската воена интервенција во Газа денеска надмина 60.000.
- Според билансот што секојдневно го водат локалните здравствени власти на Хамас и е прифатен од ОН и повеќето меѓународни институции, убиени се 60.034 луѓе, а 145.870 се ранети.
- Лекари и аналитичари наведуваат дека реалниот број на жртви е многу повисок и дека под урнатините останале тела на уште најмалку 10.000 луѓе.
- Во билансот се наведени имиња и возраста на повеќето од загинатите, без да се прави разлика помеѓу вооружени лица и цивили. Околу 70% до 80% од жртвите се жени и деца. Убиени се најмалку 1.860 деца помлади од две години. Целосно се збришани 2.600 семејства.
- Од неодамна локалните власти водат и биланс на луѓе што умреле од глад, поради израелската блокада за доставување хуманитарна помош. На листата се повеќе од 130 имиња. Повеќе од 1.000 биле убиени додека се бореле да грабнат храна од пропуштените камиони со помош.
- Израелските одбранбени сили вчера објавија дека од почетокот на операцијата во Газа биле ликвидирани близу 20.000 оперативци на милитантната група Хамас.
