- Водечката платформа за порно содржини Порнхаб повеќе нема да прифаќа нови корисници во Британија поради наметнатата обврска за задолжителна проверка на идентитетот и возраста. Од 2 февруари, пристап ќе имаат само корисниците што веќе ја потврдиле својата возраст.
- Новиот Закон за безбедност на интернет, кој стапи на сила во јули, предвидува проверка на возраста преку биометрија на лицето или документ за идентификација. До октомври сообраќајот на Порнхаб во Британија се намалил за 77% и продолжил да опаѓа.
- „Повеќе нема да учествуваме во неуспешниот систем. Веруваме дека оваа рамка во пракса го пренасочила сообраќајот кон потемни, нерегулирани делови од интернетот, а исто така ги загрозува и приватноста и личните податоци на граѓаните на Британија“, соопшти Алекс Кекеши од Aylo, фирмата во чија сопственост е порталот.
- Порнхаб останува најпосетувана страница за порно во Британија, но бројот на посети се во декември се намалил на 9,8 милиони, што е пад од 1,5 милиони за една година.
- Во истиот период употребата на софтвер за прикривање на локацијата на корисниците се зголемил од 650.000 на 900.000.
- Новиот „социјалистички“ градоначалник на Њујорк Зохран Мамдани објави дека ќе го зголеми данокот на имот, првпат по две децении. Не гледа друг начин како градските власти може да ја пополнат дупката од 5 милијарди долари во буџетот.
- „По години лошо управување се соочуваме со буџетска дупка од 5,4 милијарди долари и две можни патеки. Едната е зголемување на даноците за ултрабогатите и најпрофитабилните корпорации, а другата е да се балансира буџетот врз грбот на работниците, преку единствените алатки што му се на располагање на градот“, порача Мамдани.
- За време кампањата тој промовираше прогресивни реформи за финансирање на бесплатен јавен превоз, стабилизација на станарините и програмите за домување, универзална грижа за децата и минимална надница од 30 долари на час.
- Последниот градоначалник што го крена данокот на имот во Њујорк беше Мајкл Блумберг во почетокот на овој век.
- Поранешниот судија и експретседател на Основниот кривичен суд Скопје, Владимир Панчевски, кој вчера беше дисквалификуван од трката за нов државен јавен обвинител, ќе поднесе кривична пријава против членовите на Советот на јавните обвинители поради нивната одлука.
- Тој смета дека сите десет членови на Советот на јавните обвинители, постапиле спротивно на законот при разгледувањето на неговата пријава и утврдувањето посебен услов за кандидат за државен јавен обвинител.
- Како што вчера наведе заменик-претседателка на Советот, Марјана Илиеска, согласно законските одредби, кандидатот треба да има најмалку 10 години непрекинат работен стаж од областа на кривичното право, а во конкретниот случај на Панчевски функцијата му престанала пред 13 години и во меѓувреме не бил ниту судија ниту јавен обвинител.
- Според Панчевски, членовите на Советот со умисла потешко го повредиле неговото законско право бидејќи има потврда за редовен работен однос на местото судија во скопскиот Основен кривичен суд од 8 февруари 2008 до 28 јули 2020 година или вкупен непрекинат стаж од 12 години, пет месеци и 20 дена.
