- Крвна плазма од пациенти кои се опоравиле од ковид не би требало да се користи за лечење на заболени бидејќи нема доволно докази дека ги зголемува шансите за опоравување, порачува СЗО.
- Препораката важи и за поблаги но и за пожестоки форми на болеста бидејќи податоците велат дека употребата на крвна плазма не ја намалува потребата од респиратор.
- Препораката се темели на докази од 16 студии во кои учествувале 16,236 пациенти со благи, умерени и критични облици на ковид.
- Европратениците застанаа во одбрана на гејмерите, ја поддржаа граѓанската иницијатива „Стоп за уништувањето на видео игрите“ и ја повикаа Европската комисија да предложи рамка која ќе обезбеди постарите игри да не станат преку ноќ недостапни за оние кои ги купиле.
- Иницијативата бара заштита на потрошувачите од издавачите на игри кои со гаснење на серверите оневозможуваат пристап до купен производ односно содржина. Велат дека видео игрите се дел од културното богатство и мора да се најде начин тие да ги преживеат корпоративните одлуки за нивно гаснење.
- Иницијативата ја потпишале близу 1,3 милиони граѓани на ЕУ, и таа го достигнала бараниот минимален праг во 24 земји.
- Нејзините претставници истакнуваат дека сегашната практика за гаснење и бришење на игрите „ги лишува европските граѓани од нивниот имот бидејќи им го ускратува пристапот до производот што го купиле во непредвидлив и произволен момент“. Сакаат да се обезбеди игрите, откако ќе станат „офлајн“, да можат да продолжат да се играат во некоја форма.
- Германскиот канцелар Мерц му предлагаа на Брисел нов план за (не)проширување на ЕУ кој би значел на Украина да ѝ се понуди асоцијативно членство а земјите од Западен Балкан да бидат привилегиран набљудувач.
- Идејата на Мерц е Украина да има еврокомесар без портфолио, европратеници без право на глас и да учестувува на состаноците на Европскиот Совет и Советот на ЕУ исто така без право на глас.
- За Западен Балкан и Молдавија, пак, предлага водедување на интеграција - фаза по фаза, со привилегиран пристап до заедничкиот европски пазар. Предлага тн. „градење блокови“ за усогласување со европското законодавство и зголемена финансиска и техничка поддршка.
- Македонската верзија на песната на Глорија и Азис „Не сме безгрешни но сме истински“ би можела да гласи „Не сме членки но сме безгласни.“
