Вести › Набрзинка

Полициски час во Лос Анџелес

11 јуни 2025
  • Градоначалничката на Лос Анџелес Карен Бас прогласи полициски час во центарот на градот за да се спречат пљачкосувања, палења и насилни протести против приведувањето нелегални мигранти.
  • Во следните три дена во периодот од 20 до 6 часот ќе биде забрането движење во реон од градот со површина од околу 2,5 квадратни километри. Забраната не важи за локалните жители, итните служби и акредитираните новинари.
  • Гувернерот на Калифорнија Гевин Њусом го обвини претседателот Доналд Трамп дека ги разгорел протестите со одлуката за испраќање илјадници припадници на националната гарда: „Испраќањето на обучени војници на улиците е закана за јадрото на нашата демократија“.
  • Трамп ја оправда својата одлука и изјави дека протестите се „целосен напад врз мирот и јавниот ред“.
  • Протестите се проширија во уште најмалку 10 градови низ САД, вклучувајќи ги Далас, Остин, Сан Франциско, Чикаго, Атланта, Филаделфија и Њујорк. Протестите главно се мирни. Гувернерот на Тексас, Грег Ебот, побарал ангажирање на Националната гарда како превентивна мерка. Во Њујорк синоќа биле приведени неколкумина демонстранти.
извор

Дежуловиќ: Ова не потсетува на 20-тите, ова СЕ 20-тите

1 септември 2025
  • „Дваесеттите години се само подготовка за она што доаѓа. А кога ќе дојдат триесеттите, ќе биде предоцна. Дека ова се случувало пред сто години може да го толкуваме како чиста досетка или како прецизно адресирано предупредување.
  • „Сто години слепило. Времето, политичките околности, односите и процесите, исто како луѓето и нивните реченици, се застрашувачки исти. Сите општи места на нашето секојдневие – пропадната Европа, изолационистичка Америка, мигранти, Евреи, Палестина, Крим, Украина и новата голема Русија, понижената Германија, технолошкиот напредок и пропаднатата работничка класа која ентузијастички го прифаќа фашизмот, воените ветерани и возбудената младина наредени во Фрајкорпс за да ја нападнат „дегенерираната уметност“ – сè е тука, во Вајмарска Германија, во денешна Вајмарска Америка, Вајмарска Европа или во малата, влажна Вајмарска Хрватска“, вели Борис Дежуловиќ во интервју за Лупига.
  • Има нова книга, се вика „Кој е тој човек?“.
извор

Урсула фон дер Лајен: Бугарија не ја брани само Украина туку и цела Европа

1 септември 2025
  • „Една третина од оружјето испорачано на Украина од почетокот на војната доаѓа од Бугарија. Ви благодарам за вашата поддршка за одбраната на Украина“, напиша фон дер Лајен на Икс.
  • Таа ја посети најголемата државна компанија за производство на оружје во Бугарија во придружба на бугарскиот премиер Росен Жељазков.

  • Посетата доаѓа по објавата на германската компанија за производство на оружје „Рајнметал“ дека ќе изгради две нови фабрики во Бугарија и ќе ја прошири фабриката во Сопот.

 

извор

Штета ако сте пропуштиле

Кога писателите (треба да) играат на шипка

А не е лошо и кацига да се има

Лажеа за Авганистан. Лажеа за Ирак. Сега лажат за Украина.

Искрен оглас на денот