- Американски федерален судија го одобри договорот за обештетување на здравствени работници од еден универзитетски здравствен систем во Чикаго на кои не им биле уважени религиозните приговори кога требало да се вакцинираат.
- Колективната тужба ја поднесоа 500 работници кои барале изземање од имунизација заради верски причини, но биле доведени до избор: или вакцинација или отказ.
- Ќе бидат обештетени со 10, 3 милиони долари и ќе можат во следните 90 дена да се пријават на враќање на старите работни места.
- Руската Дума пред неколку дена донесе закон со кој се овластува Сбербанк, централната банка и другите финансиски институции да инсталираат системи за електронско војување и да ги вооружаат ои обучат вработените за соборување украински беспилотни летала што им се закануваат на нивните објекти.
- Дека постои таква потреба покажа и една крстосувачка ракета „Сторм Шедоу“ од британско производство која истиот ден ја погоди канцеларијата на руската централна банка во Севастопол, Крим.
- Руските банки ќе можат да инсталираат свои системи за одбрана од беспилотни летала, да ги блокираат сигналите и да уништуваат беспилотни летала без да чекаат овластување од безбедносните служби.
- Законот доаѓа во време кога Украина сè поефикасно користи дронови за напади на цели длабоко во руската територија.
- Саудискиот аналитичар Мубарак ал-Ати објаснува дека поради падот на тежината на САД на меѓународната сцена, Саудиска Арабија и другите земји од Заливот не ги сфатиле сериозно барањата на Трамп да се приклучат кон Абрахамовите договори кои треба да ги нормализираат односите на арапските земји со Израел.
- „Се чини дека американскиот претседател е колеблив да се врати во војна и да го собори режимот на ајатолахот. Тоа ќе го чини скапо“, рекол Ати за РТ, оценувајќи дека Трамп се покажал како тигар од хартија.
- Според него, првиот знак за падот на моќта на САД во меѓународните односи бил „понижувачкото излегување“ на Бајден од Авганистан во 2021 година. „САД сè уште се суперсила, но не како што беа пред една деценија“, го пренесува неговото мислење Ерусалим Пост.
