Почина скопската знаменитост Пиже
18 мај 2022
- На 57 годишна возраст ненадејно почина Сашо Пижевски Пиже, од Дебар Маало, од Скопје.
- Пиже удри фајронт точно четири години по смртта на неговиот пајташ Зеко, со кој беа едни од главите мирудии на скопскиот ноќен живот од почетокот на 90-тите. Гунгули, гратиси и без сељачка музика.
- Игор Џамбазов, Зеко и Пиже беа основачи на групата Хавана Бенд. Џамбазов остана во шоу бизнисот и уметноста, Зеко се вработи во Пивара а Пиже држеше кафичи (Мајка ти и татко ти) и сајт.
- „Каде бе Пиже? Каде бе брате? Само пред пет дена пиевме кафе кај мене у маало. Ми збореше за Скијатос, а во очите ти светкаа тинејџерски искри на радост. Имаше повеќе живот во тебе од сите гости во бавчата“, пиша Игор простувајќи се од својот пријател.