На 57 годишна возраст ненадејно почина Сашо Пижевски Пиже, од Дебар Маало, од Скопје.
Пиже удри фајронт точно четири години по смртта на неговиот пајташ Зеко, со кој беа едни од главите мирудии на скопскиот ноќен живот од почетокот на 90-тите. Гунгули, гратиси и без сељачка музика.
Игор Џамбазов, Зеко и Пиже беа основачи на групата Хавана Бенд. Џамбазов остана во шоу бизнисот и уметноста, Зеко се вработи во Пивара а Пиже држеше кафичи (Мајка ти и татко ти) и сајт.
„Каде бе Пиже? Каде бе брате? Само пред пет дена пиевме кафе кај мене у маало. Ми збореше за Скијатос, а во очите ти светкаа тинејџерски искри на радост. Имаше повеќе живот во тебе од сите гости во бавчата“, пиша Игор простувајќи се од својот пријател.
Во првата порака до јавноста откако беше избран за нов врховен лидер, Моџтаба Хамнеи се закани дека Иран ќе ги напаѓа базите на САД на Блискиот Исток, ќе ја одмазди крвта на жртвите на американско-иранските напади врз неговата земја, особено на девојчињата што беа убиени во училиштето во Минаб, и ќе го блокира бродскиот транспорт низ Ормускиот теснец.
„Иран ќе добие отштета од непријателот. Ако тој одбива, ќе присвои добра со иста вредност, а ако тоа не е возможно, ќе уништи добра во иста вредност“, порача Моџтаба Хамнеи.
Блокадата на Ормускиот Проток ќе ја користи како притисок врз непријателот.
На соседите на Иран им порача дека Техеран ги смета за пријатели и дека ги напаѓа само американските бази на нивна територија.
Неговата порака ја прочита презентерка на државната телевизија. Тој не се појавил во јавноста откако беше избран за нов врховен лидер на 8 март. Иранските власти потврдија дека Моџтаба бил полесно ранет при нападот на 28 февруари во кој беа убиени неговиот татко – врховниот лидер и ајатолах Али Хамнеи, мајката, сопругата и еден син.
