Вести › Набрзинка

По стоти пат затвор за Миле

4 јули 2023

Апелација преиначи дел од казните за обвинетите во предметот „Титаник“, а дел и потврди. Единствено ексминистерот за транспорт и врски Миле Јанакиески доби затворска казна, која сега е 3,6 години.
За Мартин Протоѓер – останува условната осуда. Гордана Јанкуловска сега добива условна осуда наместо 2,5 години казна затвор. Мунир Пепиќ исто добива условна осуда наместо една година затвор.
Пресудата на Апелација е напишана на 29 страници.

28 ноември 2024

На пратеничко прашање околу прислушувањето, премиерот вети дека наскоро ќе биде откриено како се прислушувало и дека пратениците од СДСМ ќе бидат згрозени.
„Јас сум убеден дека дел од раководството на СДСМ не ни знаеле дека тоа се случувало, дека најголемиот дел од нив го правеле за злоупотреба и лична агенда. Не дека некои од највисокото раководство немале информации, имале. И тоа што се случувало ќе ве згрози и вас“.
„Затоа ја гледам таа дебата од убдашки болшевистички структури кои се присутни во нашите кодошки безбедносни структури. И затоа се плашат од спојување на агенциите. Што им фалеше спојувањето на овие агенции во Хрватска, во САД?“ праша Мицкоски.

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.