- Властите во Пјонгјанг Северна Кореја првпат по шест месеци призна дека севернокорејски војници учествувале во битки против украинските сили во рускиот регион Курск.
- Под наредба од Ким Џонг Ун, севернокорејските воени единици се бореа со истиот хероизам и храброст со кој би ја бранеле татковината, објави државната агенција КЦНА.
- Украински извори тврдат дека Пјонгјанг испратил 14.000 војници на фронтот, како и засилување од уште 3.000 војници за да се надоместат загубите. Тие немале борбени возила ниту искуство за модерно војување со дронови, но брзо се прилагодиле. Целта била да се зајакне стратегиското партнерство помеѓу Северна Кореја и Русија.
- Убедени сме дека ова непобедливо воено пријателство помеѓу двете земји, потврдено со цена на крв во борбен оган, многу ќе придонесе за проширување и развој на идните односи и соработката помеѓу Северна Кореја и Русија, се наведува во извештајот.
- Доналд Трамп вели дека воената акција во крајна линија им помага на луѓето во Иран бидејќи „тие сакаат да слушаат бомби бидејќи сакаат да бидат слободни“.
- Убеден е дека Иранците не се на улиците за да протестираат како што се надеваа дека ќе биде израелските тајни служби, затоа што „ќе бидат застрелани од режимот“. Кога ќе им престане стравот и кога ќе имаат оружје, ќе излезат.
- За соборениот американски Ф-15, тврди дека Иранците имале среќа.
- Претходно, Иран го одби американсккиот план за примирје доставен преку Пакистан и понуди свој план од 10 точки порачувајќи дека не ги интересира примирје туку траен мир.
- Меѓу другите барања на Техеран се прекинување на регионалните непријателства, воспоставување протокол за безбеден премин низ Ормутскиот теснец, реконструкција на земјата и укинување на санкциите.
- Смртта не е состевн дел од работата само на војниците, рударите или пожарникарите, туку и на оние што возат возови.
- Хрватскиот машиновозач Анте Бркљачиќ вели дека познава само еден од искусните колеги немал смртен случај во кариерата.
- Тој имал 11. Првиот кога имал само 21 година, последниот лани.
- Не сите од тие прегазени несреќници сакале да си го одземат животот. Некои биле невнимателни, некои просто немале среќа, некои биле пијани.
- Анте ги памти сите 11.
