Вести › Набрзинка

Писториус ко да си даде автогол

15 февруари 2025

Шефот на германската дипломатија остро одговори на критиките на американскиот потпретседател ЏејДи Ванс на адреса на европските лидери околу слободата на говорот и различните мислења (говорот на Венс во Минхен го имаме дижестирано овде).
„Тој ја споредува состојбата во Европа со состојби во авторитарни режими. Тоа е неприфатливо!“, изјави Борис Лудвиг Пасториус.
Накратко:
ЏејДи Венс: Европа не прифаќа поинакви мислења.
Пасториус: Мислењето на Венс е неприфатливо.

3 ноември 2025

Српската полиција синоќа приведе десетици лица и спречи напад врз „Пиоинирскиот камп“ на поддржувачи на Александар Вучиќ пред Народното собрание во Белград. Меѓу 37-те приведени лица е и поранешниот кошаркарски репрезентативец Владимир Штимац поради „поттикнување на насилство“.

Десетици илјади граѓани вчера пристигнаа на платото пред Собранието за да ѝ изразат поддршка на Дијана Хрка, мајката на момче што загина при уривањето на настрешницата на железничката станица во Нови Сад пред една година. Таа почна штрајк со глад, поради тоа што властите избегнуваат одговорност за смртта на нејзиниот син и на уште 15 луѓе при трагедијата.
Група демонстранти ги нападнале симпатизерите на Вучиќ што кампуваат пред Собранието. Фрлале камења, шишиња и пиротехника и запалиле еден шатор.

Поранешниот претседател Борис Тадиќ ги повика граѓаните на Србија да ѝ изразат поддршка на мајката што штрајкува со глад и секоја вечер да протестираат во Белград. Оние што не можат да дојдат, ги повика да организираат протести во своите места: „Сите на улица!“. Претседателката на собранието Ана Брнабиќ го обвини Тадиќ дека повикува на насилства и граѓанска војна.

3 ноември 2025

На вториот круг локални избори ВМРО-ДПМНЕ победи во 21 општини а СДСМ во три.
Коалицијата Вреди (Влен) градоначалници доби во четири општини.
ВМРО-ДПМНЕ победи во Град Скопје, Аеродром, Валандово, Виница, Дебарца, Демир Капија, Дојран, Долнени, Карпош, Кичево, Конче, Кочани, Крушево, Лозово, Македонски Брод, Неготино, Могила, Пробиштип, Ранковце, Росоман, Чешиново-Облешево и Чучер Сандево.
Нов градоначалник на Скопје е Орце Ѓорѓиевски кој од преброени 97,92 проценти од гласовите, има освоено 93.572 гласови или 57,39%, додека за кандидатот на Левица, Амар Мециновиќ, гласале 59,365 гласачи или 36,42%.
„Заврши времето на поделби и локални шерифи, да работиме заеднички за Македонија, порача Христијан Мицкоски.