- Жителите на Париз изгласаа уште 500 улици во градот да бидат пешачки зони. На референдумот во неделата 66% го поддржале предлогот на левичарските градски власти. Одзивот бил едвај 4%.
- Бројот на „зелените артерии“ во Париз се зголемува на 700, повеќе од 10% од вкупниот број улици во градот.
- За да се прошират пешачките зони, ќе бидат укинати уште 10.000 места за паркинг. Уште толку веќе се отстранети во изминатите пет години.
- Ова е трет од низата референдуми со цел да се намали употребата на моторни возила и да се подобри квалитетот на воздухот во Париз. Во 2023 година беше одобрена забрана за елекрични скутери, а лани беше изгласана тројно повисока цена за паркирање на големи џипови.
- Наспроти мерките, Париз заостанува зад другите европски градови според зелена инфраструкура. Паркови, градини и авении со дрвореди зафаќаат само 26% од површината на градот. Просекот во европските главни градови е 41%.
- Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
- Јазот е најдлабок во Русија, а најмалку е изразен во Словачка.
- Македонија според оваа класификација е меѓу земјите со порамномерна распределба на богатството.
- Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
- Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
- Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
- Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
- Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
- На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
