Вести › Набрзинка

Пендаровски потпиша ко попче

30 мај 2023

Иако се чаламеше дека нема да стави потпис на законите кои имаат одредби какви Уставниот суд претходно укина, Стево Пендаровски реши да ги потпише законите за Бехтел и Енка кои беа прошверцувани под европско знаменце и изгласани од мнозинството без да го видат договорот.
Вели дека сега ја нема формулацијата за 60 часовна работна недела (ја смениле формулацијата) па може да потпише.
Пендаровски го смени ставот неколку дена откако медиумски му беше пуштена порака дека ДУИ би можеле да посакаат друг кандидат за следните претседателски избори.
Кога сме веќе кај формулации, еве една на Апасиев.

Види и:
Топењето на Стево, од јануари до јули
Собрани недела на Стево

извор

Гардијан уште сега бара помош во борбата против Трамп

6 ноември 2024

„Само што сведочевме на извонреден, катастрофален момент во историјата на САД“, ги коментираше резултатите од американски избори главната уредничка на Гардијан, Катерина Винер.
Од победата на Трамп таа очекува „драматични импликации за војните во Украина и на Блискиот Исток, здравјето на американската демократија, репродуктивните права, нееднаквоста и, можеби најмногу од сè, нашата колективна еколошка иднина“.
Винер ги повтори зборовите на колумнистката Маргарет Саливан дека Трамп е „јасна закана за новинарите, медиумите и слободата на печатот во САД и ширум светот“ и дека тој „со години поттикнува омраза против новинарите“.
„Ќе се спротивставиме на овие закани, но за тоа ќе биде потребно храбро, добро финансирано независно новинарство кое не може да зависи од сопственик милијардер кој ќе се плаши од одмазда од насилникот од Белата куќа“, пиша таа.

извор

Колабира владата на Олаф Шолц

6 ноември 2024

Германската влада е на работ на колапс, откако канцеларот Олаф Шолц неочекувано го разреши својот министер за финансии, фрлајќи ја најголемата европска економија во политички хаос.
Кристијан Линдер е исфрлен од тричлената семафор - коалиција иако се очекуваше победата на Доналд Трамп да ги принуди лидерите на Социјалдемократите, Зелените и Слободните демократи (од чии редови е Линдер) да ја препознаат потребата за единство.
Разрешениот министер пред неколку дена даде контроверзен ултиматум на 18 страници, барајќи од владата радикално да ги прекрои буџетските планови за следната година.
Неговото отпуштање најверојатно ќе доведе до предвремени избори во март, шест месеци пред предвиденото.

извор