- Претседателот Пендаровски за претседател на Комисијата за помилување ја назначи Уранија Пировска, извршна директорка на Хелсиншкиот комитет.
- Нов член во комисијата е Томислав Кежаровски а во неа се и Фехми Стафа, Љубомир Јовески, Љубомир Михајловски, Темелко Ристевски, Ерол Рушид, Божин Аврамовски, Сафет Aлиу, Зора Митиќ и Билјана Петковска.
- На местото на актерката Сабина Ајрула, за член на Комисијата за одликувања и признанија Пендаровски донесе одлука за именување на актерката Амернис Јовановска-Нокшиќи.
- Земјоделците и жителите во долината на Рио Гранде во Тексас се интензивно изложени на хербицидот паракват, кој е забранет во 74 земји поради ризик за здравјето на луѓето. Употребата на паракватот во САД е зголемена затоа што многу плевели се отпорни на другите хербициди.
- Беате Риц, епидемиолог од UCLA, открила дека луѓето кои живееле или работеле подолг период во близина на места третирани со паракват имале околу 90% поголем ризик од Паркинсонова болест.
- Новите истражувања укажуваат дека честички од паракватот во небезбедни концентрации може да се прошират на површина од 50 квадратни километри.
- Американската агенција за заштита на животната средина објави дека нема доволно докази за поврзаност на пациенти од Паркинсонова болест со изложеност на хербициди, но најави тестирање на состојбата во реални услови – процес што може да трае до две години.
- За Паркинсоновата болест нема лек и тешка е за дијагностицирање. Ги нарушува движењето, рамнотежата, говорот, расположението и способноста на болното лице да живее самостојно.
- 28 годишниот Тарик Семси од општина Центар Жупа, Македонија, стана советник во Советот на Општина Венеција, Италија.
- Тарик бил еден од водечките млади луѓе на советничката листа на актуелниот градоначалник на Венеција, Симоне Вентурини кој убедливо победи на локалните избори во Венеција во мај.
- Тој е првиот македонски државјанин и воопшто странец кој е избран за член на Советот на Венеција. Потекнува од село Коџаџик, Општина Центар Жупа и припаѓа на турската етничка заедница.
