- Партијата „Прогресивна Бугарија“ на Румен Радев победи на осмите по ред предвремени избори во Бугарија и најверојатно ќе биде првата по 1997 година што ќе обезбеди мнозинство во Народното собрание.
- Според неофицијални резултати, Прогресивна Бугарија освоила 44% од гласовите, што во зависност од пресметките ѝ носи меѓу 129 и 140 пратенички места (од вкупно 240).
- „Луѓето ја отфрлија ароганцијата на старите партии и не подлегнаа на манипулациите“, рече Радев. Додаде дека програмата на неговата партија ќе го „демонтира олигархискиот модел“.
- Поранешниот воен пилот Радев, кој на Запад важи за евроскептик, се повлече од претседателската функција во јануари за да се кандидира на парламентарните избори. Тој е против воената поддршка за Украина, но во кампањата вети дека „Бугарија нема да го користи правото на вето за да блокира одлуки на ЕУ“.
- „Бугарија ќе „вложи максимални напори да продолжи по својот европски пат. Но, силна Бугарија и силна Европа имаат потреба од критичко размислување и прагматизам... Европа стана жртва на сопствената амбиција да биде морален лидер во свет без правила“, изјави Радев.
- Американската Воена морнарица синоќа нападна и заплени товарен брод под иранско знаме кој се обидел да ја избегне поморската блокада близу Ормускиот теснец. Ова е првото пресретнување откако почна американската блокада на иранските пристаништа минатата недела.
- Трамп на социјалните мрежи објави дека откако бродот „Туска“ не запрел по предупредувањата, морнарицата истрелала проектил и направила дупка во машинското одделение, по што маринци ја презеле контролата врз бродот.
- Иран ги обвини САД дека го прекршиле договорот за прекин на огнот и најави дека ќе возврати „против ова вооружено пиратство“.
- Прекинот на огнот завршува задутре. Инцидентот ја зголеми загриженоста дека нема да се одржи втората рунда од иранско-американските преговори за продолжување на примирјето. Белата куќа објави дека американска делегација на чело со Стив Виткоф и Џаред Кушнер денеска ќе пристигне во Пакистан.
- „Иран нема да учествува на втората рунда разговори поради прекумерните барања на Вашингтон, нереалните очекувања, постојаните промени во ставовите, противречностите и континуираната поморска блокада, која е кршење на прекинот на огнот“, објави новинската агенција ИРНА.
- Претседателот на иранскиот парламент вели дека има напредок во разговорите со САД, но дека двете земји остануваат „далеку“ од мировен договор
- Доналд Трамп вика дека се водат „многу добри разговори“ со Иран, но дека нема да дозволи Техеран да ги „уценува“ САД за Ормускиот теснец.
- Техеран порача дека Ормускиот теснец ќе остане затворен сè додека САД не ја укинат блокадата врз иранските пристаништа, што за нив е прекршување на примирјето.
- Трамп порача дека блокадата ќе продолжи сè додека „нашата трансакција со Иран не биде 100% завршена“.
- Два ирански воени чамци отворија оган врз танкер во Ормускиот теснец а американската морнарица принудила 23 брода да се свртат назад во близина на теснецот.
