Директорот на Управата за извршување санкции, Александар Пандов се сомнева дека затвореници или банди во затворите кои се под негово управување, се одговорни за палењето на неговата куќа во скопското село Зелениково.

Вели дека откако е директор на Управата веројатно има стекнато некои непријатели кои со оваа порака сакаат да го заплашат.

Одредени затвореници се однесувале како да се газди на затворите, ги тепале затворските полицајци и се занимавале со лихварство а се нуделе и 20.000 евра за да се дојде до мобилен телефон.

„Нема да си дозволам моите претпоставки јавно да ги споделам, меѓутоа имам основано сомневање и на тие треба да им биде јасно дека се задолжиле многу кај мене и ако ми се докаже дека е некој од нив до крајот на нивниот живот ќе го плаќаат тој долг. Ниту ме уплашиле ниту педа мислам да се повлечам од ова“, вели Пандов.