Вести › Набрзинка

Палестинец жив гори пред очите на ќерките, во Газа загинаа над 33.000 луѓе

7 април 2024

Продолжува ужасот во Газа. На социјалните мрежи се појави видеo снимка над која пишува дека девојчињата го гледаат својот татко додека гори, откако неговата куќа беше бомбардирана од ИДФ.

Министерството за здравство на Хамас денеска соопшти дека од почетокот на војната на 7 октомври во израелските бомбардирања во Појасот Газа загинале 33.175 Палестинци, а 75.886 се ранети. „Само во изминатите 24 часа загинале 38 Палестинци, а 71 е ранет“, се наведува во соопштението на министерството.
На видео снимки се објавува и пустошот кое зад себе го оставиле израелските сили кои одлучија на денот кога се одбележуваат шест месеци од почетокот на израелската војна со Хамас, да ги повлече своите сили од градот Кан Јунис, најголемата населба во јужниот дел на Појасот Газа.

извор

Градоначалникот на Истанбул соочен со 2.340 години затвор

11 ноември 2025

Против Екрем Имамоглу, притворениот градоначалник на Истанбул, се покренати 142 обвиненија за корупција, за кои е предвидена вкупна казна од 2.340 години затвор.
Обвиненијата на вкупно 3.700 страници се однесуваат на случаи за проневера, измама и перење пари. Покрај Имамоглу, уште 402 лица од криминалната организација „октопод“ се обвинети за предизвикување штета од вкупно 160 милијарди лири (3,3 милијарди евра) во изминатата деценија.
Целта на организацијата, според обвинителите, била преземање контрола врз Републиканската партија и собирање фондови за претседателската кампања.
Имамоглу, кој е во притвор од 19 март, ги отфрла сите обвиненија и тврди дека е жртва на политички прогон, како главен противник на претседателот Реџеп Тајип Ердоган.

извор

Порака од Москва: Бугарија со Лукоил прави опасен преседан

11 ноември 2025

Руската амбаасдорка во Софија смета дека постапките на бугарските власти кон Лукоил се „избрзани и правно сомнителни“ и дека со законот за државно преземање на конртолата на Лукоил тие играат „многу рискантно“ и прават „опасен преседан.“
Елеонора Митрофанова кажа дека со законот за специјален управител на рафинеријата, кој беше усвоен „брзо во две читања“, не само раководството на рафинеријата, туку и акционерите и сопствениците на компанијата ќе бидат лишено од управувачки права. Притоа, сите одлуки на управителот, вклучително и оние во врска со евентуалната продажба на рафинеријата, не подлежат на административна или судска контрола.
„Останува да се види како ќе функционира тој закон но во моментов тоа изгледа како експропријација на туѓ имот,“ вели амбасадорката.
Рафинеријата на Лукоил „Нефтохим Бургас“ е една од најсовремените во Европа, снабдува приближно 80% од пазарот на горива во Бугарија и извезува енергенси во соседните земји.

извор