Вести › Набрзинка

Палчо лично ги убил и младата Вања и стариот Панче

4 декември 2023

Од прес конференцијата на МВР и Обвинителството:

Организатор и извршител на двете грабнувања и убиства на 14 годишната Вања Ѓорѓиевска од Скопје и 74 годишниот Панче Жежовски од Велес е Љупчо Палевски Палчо. Вториот должел а од мајката на Вања сакале да изнудат пари.
Заедно со неговиот адвокат, Палчо со кола заминал во Белград а од таму во Бугарија и по него се трага.
Вања била грабната од нејзиниот влез и со врзани раце и нозе и во вреќа за спиење била ставена во гепек.
Биле со две коли. Едната била на велешанецот кој должел 500 евра но чие убиство полицијата го сомничи само како тактички потег („прометна жртва“), неговиот Цитроен да биде употребен за грабнување на Вања.
Убиствата, на Вања во скопска Бразда кај Чучер и на Панче во околината на Велес, се претпоставува дека Палчо ги извел откако увидел дека јавноста масовно и брзо била алармирана за исчезнувањето на ученичката.
Палчо (поранешен сопственик на градежната компанија Упа ентерпрајз, сопственик на неделникот Старт и на локална ТВ-станица, поранешен претседател на градската организација на СДСМ во Скопје... н.з.) им рекол на соучесниците дека информациите за тоа каде и кога излегува Вања сама од дома му се од татко ѝ. Тој засега негира вмешаност во невидениот злостор.

извор

Еднаквост: Во 27 земји 0,1% e повеќе од 80%

3 октомври 2026

Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
Јазот е најдлабок во Русија, а најмалку е изразен во Словачка.
Македонија според оваа класификација е меѓу земјите со порамномерна распределба на богатството.
Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.

извор

„Лукоил“ ќе заврши кај партнери на Кушнер и Виткоф

3 октомври 2026

Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.

извор