Вести › Набрзинка

Палчо е уапсен во Балиќесир, Турција

5 декември 2023

Турските власти го уапсиле Љупчо Палевски Палчо, човекот кого нашата полиција го смета за креатор, планер, главeн координатор и извршител на двете убиства кои ја потресоа Македонија.
Адвокатот го одвозел во Србија. Наредниот ден го презема друго лице од Скопје и преку граничниот премин Градина влегува во Бугарија, па потоа во Турција. Таму оди во градот Балиќесир. Оперативец јавил дека е таму и сака да замине во Истамбул. Со такси тргнува кон Истамбул но се враќа во градот па е уапсен додека одел пешки.
Притоа помогнале полициите во Србија, Бугарија, Хрватска и Интерпол, кој распиша потерница по Палчо.
На ред е македонското министерство за правда да ја истера процедурата за екстрадиција.
Обдукцијата на Вања ќе го има финалниот збор но се работи за прострелна рана, рече министерот Спасовки.
Во јавното обвинителство денес биле предадени пет кривични пријави за четири лица поврзани со убиствата на Вања и Панче. Додуша, прво беа спомнати пријави за пет лица.

На истата прес конференција на која бараше со овој случај да не се прави политикантство, Спасовски (види на 35:08) успеа некако да го поврзе злосторот во Скопје и Велес со политичката определба на Палчо и неговата опскурна партија, со зборовите „како да не знаевме како се спротивставуваа на напредокот на државата, НАТО, европскиот пат...“.
Толку им сече.

извор

Бес во Израел заради прекинот на огнот

8 април 2026

„Ова е политички и стратешки пораз! Во целата наша историја, таква катастрофа никогаш не се случила“, го коментира примирјето шефот на израелската опозиција, Јаир Лапид.
Вели дека Бенјамин Нетанјаху не исполнил ниту една цел која си ја имал зададено иако војската направила сè што барал.
Лапид потсетува дека Израел не ни бил вклучен во преговорите и дека на државата „ќе ѝ требаат години за да се опорави од политичката и стратешката штета“ што Нетанјаху ја предизвика со својата ароганција, невнимание и недостаток на стратешко планирање.
Претседателот на партијата Израел Бејтену, Авигдор Либерман, оцени дека ваков договор со Иран значи дека Израел во иднина ќе мора повторно да влезе во конфликт, под потешки услови и по повисока цена.

извор

Одбиен предлогот за ограничување на учеството во странски војни

8 април 2026

Предлогот на пратеничката група на Левица за измени и дополнувања на Законот за одбрана не доби поддршка во Собранието, откако пратениците од СДСМ гласаа против, а пратениците од ВМРО-ДПМНЕ не гласаа.
„Собранието треба да ја ограничи Владата, така што армијата ќе се користи само во мисии со меѓународен легитимитет, одобрени од Советот за безбедност на Обединетите нации“, истакна Реџеп Исмаил.
„Со ова се елиминира можноста македонскиот војник да биде испраќан во геополитички лавиринти без јасен меѓународно-правен легитимитет, како монета за поткусурување во туѓи пресметки“.
Досегашните интервенции на НАТО – од Југославија, преку Ирак до Либија – покажуваат примери на операции без соодветен или залоупотребен мандат. Во образложението беше посочено и дека постои ризик од индиректно вклучување во конфликти преку поддршка, како што е испораката на оружје за Украина, што може да има економски, енергетски и безбедносни последици.

извор