Вести › Набрзинка

Откриени органски соединенија на месечина на Сатурн

1 октомври 2025

Откриени се органски соединенија во свежо исфрлени зрна мраз од океанот на Енцеладус, што дава надеж дека овој природен сателит на Сатурн би можел да поддржи развој на живот. Се смета дека материјалот извирал од океан од солена вода под вечната ледена кора на шестиот според големина сателит на Сатурн.
Научниците со години го сметаат Енцеладус за најповолно тело за развој на живот во Сончевиот систем, ако се изземе Земјата. Мисијата Касини, која заврши во 2017 година, во близина на јужниот пол на Енцеладус откри големи ерупции на испарувања, кои веднаш замрзнуваат. Вселенскиот телескоп „Џејмс Веб“ забележал свежи траги од органски соединенија во мраз исфрлен на височина од десетина километри.
„Резултатите ја потврдуваат комплексната хемија што се случува под површината. Тоа не значи дека на Енцеладус има живот, но ја зголемува веројатноста дека хемиските процеси може да водат до формирање супстанци што се биолошки релевантни, објаснува Нозаир Каваџа, планетарен научник од берлинскиот Институт Фраје и главен автор на истражувањето.
Тој ги поддржува плановите на Европската вселенска агенција за испраќање мисија до Енцеладус за да истражи од близу знаците на живот. „Запалено е зеленото светло“, вели Каваџа.

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор

Руски милијардер најде решение за економијата: да се работи 6 дена по 12 часа

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.

извор