- Поради финансиски проблеми, Обединетите нации ќе укинат една четвртина од трупите во мировни мисии во девет земји. Тоа би било помеѓу 13.000 до 14.000 сини шлемови и цивилни лица.
- Ќе биде намален составот на мисиите во Косово, Кипар, Голанската висорамнина, Либан, Јужен Судан, Демократска Република Конго, Централноафриканската Република, Западна Сахара, и административната област Абјеи, заеднички управувана од Јужен Судан и Судан.
- ОН се во финансиска криза откако американскиот претседател Доналд Трамп во август откажа 800 милиони долари за мировни мисии на ОН.
- САД учествуваат со 26% во вкупните финансиски придонеси за ОН, пред Кина со 24%. На заостанатиот долг кон ОН од 1,5 милијарда долари, Вашингтон годинава додаде уште 1,3 милијарда.
- Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
- Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
- Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
- За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
- Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
- Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
- Просекот е 7 урагани во сезона, од кои 2 до 3 се во септември.
- Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
- Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
- Најмалку, само по два, имало во 1982 и 2013 година.
