Вести › Набрзинка

Одземени пасошите на четворица осомничени за „Лотарија“, за Груби и Бајрами се уште се одлучува дали ќе има притвор

17 декември 2024

На четворица од осомничените во случајот „Лотарија“ им се одземени пасошите, а додека во текот на денот ќе се одлучи и дали за останатите осомничени кои се во бегство, поранешниот вицепремиер Артан Груби и екс директорот на Лотарија, Прпарим Бајрами, ќе биде одреден притвор.
На тие четири лица им е одземени патните исправи и имаат обврска за повремено јавување на службено лице во судот.
МКД.мк дознава дека Артан Груби во Косово влегол со дипломатско возило и албански пасош.
Република пишува дека Груби ќе го брани адвокатот на Рашковски.
Плус инфо наведува дека Груби е подготвен да се врати во Македонија само доколку мерката притвор му биде заменета со поблага мерка, како што е одземање на патната исправа.

* Три вица од претходната влада.

извор

Питер Тил се мисли поголем милијардер од Папата

5 јули 2026

Милијардерот и технолошки магнат Питер Тил го обвини папата Лав XIV дека делува како „кинески комунистички агент“ застапувајќи се за регулирање на вештачката интелигенција во неговата серија предупредувања и предвидувања за иднината на вештачката интелигенција и западната цивилизација.
Ко-основачот на Пејпал и Палантир предупреди и на опасност од „социјалистички преврат“ во Демократската партија на САД.
Питер Тил беше еден од првите кои го поддржуваа Доналд Трамп а беше и ментор на кариерата на ЏејДи Венс.
Смета дека со тоа што бара меѓународна регулација на вештачката интелигенција, Папата се става во служба на кинеските интереси.
Во есеј од 2009 година, Тил напиша дека слободата и демократијата не се компатибилни а дека женското право на глас ја направило „капиталистичката демократија“ оксиморон. Ја финансираше кампањата на Халк Хоган против Гавкер (по која медиумот банкротираше) зашто го пишуваа дека е геј.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор