Вести › Набрзинка

„Оди раѓај“ е реченица што исклучи грчки пратеник од неговата парламентарна група

9 март 2025

Владејачката „Нова Демократија“ во Грција, го исклучи пратеникот Димитрис Киријаздис од својата парламентарна група, откако тој ја навреди Зое Константополу, лидерка на партијата „Курс за слободата“.
Додека Константополу зборуваше во парламентот од говорницата, Киријаздис извикал кон неа „оди раѓај!“.
По предлог на партискиот лидер и премиер Киријакос Мицотакис, етичкиот комитет на партијата едногласно реши да го исклучи Киријаздис од парламентарната група поради анти-парламентарно и анти-колегијално однесување.
Ви текнува?

9 март 2025

Американскиот Врховен суд реши на Ричард Глосип да му овозможи ново судење за убиство од 1997 година за кое е осуден на смртна казна.
Одлуката на Врховниот суд е жесток прекор за Апелацијата во Оклахома која упорно ги отфрлала жалбите на Глосип и неговите докази за својата невиност за убиство на еден сопственик на мотел.
Досега на Глосип му биле закажани девет термини за егзекуција и трипати дошол до момент да му биде сервиран последниот оброк.
Случајот против него речиси целосно бил темелен на сведочење на еден 19-годишен чувар кој признал дека го убил газдата но, по идеја на Глосип. Со таква изјава тој ја избегна смртната казна и беше осуден на доживотна казна без помилување. Подоцна се докажа дека како зависник со биполарно пореметување бил лесен за манипулирање од страна на обвинителот.

9 март 2025

59 годишниот Максим Чела, мафијашки гангстер од Албанија, англиските власти го пуштиле на слобода додека се реши неговото барање за азил поднесено поради тврдење дека ќе биде убиен во неговата земја ако биде депортиран.
Чела има отслужено половина од неговата 25 годишна затворска казна за убиство на албански полицаец а учествувал и во план за подметнување бомба на стадион чија цел бил шефот на полицијата во неговиот град.
Во Англија дошол од Шпанија со лажен пасош и повикувајќи се на европските конвенции за човекови права веднаш побарал азил по што властите решиле да го пуштат на слобода додека трае тој процес.