Вести › Набрзинка

Обвинувања за трговија со влијание тешка 620.000 евра

23 јануари 2024

И Фатмир Битиќи и Еролд Муслиу знаат дека се фатени 100:0 и двајцата знаат дека е недозволиво додека тие се на високи државни позиции, нивните сопруги да земаат грант од 620.000 евра, процес во кој била вклучена и владата преку националниот координатор за борба против тероризмот, вели пратениокот Драган Ковачки.
По добивањето на грантот, тие се обиделе да ги прикријат траги, тврди тој. Само пет дена по добивањето на парите, сопругата на Битиќи се брише од овластени лица на својата невладина организација, со промена евидентирана во Централниот регистар.
Тоа што сопругата на Битиќи се избришала од овластено лице 5 дена по добивање на грантот не го менува фактот дека Битиќи е вицепремиер на седница на Владата кога е донесена одлуката националниот комитет да склучи меморандум со конзорциумот на кој му се дава странски грант во време кога неговата сопруга сè уште е претседател на НВО.

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор