Вести › Набрзинка

Обвинителството ја дрибла јавноста за Јахоски

12 март 2025

Судот и Обвинителството си ја префрлаат топката кој е одговорен што Јахоски, за разлика од другите осомничени за тендерите за мазут за ТЕЦ Неготино за кои обвинителството побара притвор, наместо во Шутка, заврши во домашен притвор.
Обвинителството вчера соопшти дека побарало притвор за Асмир Јахоски, но судот му определи домашен притвор. Судот синоќа информира дека Јавниот обвинител се согласил за промена на предлогот за определување мерка притвор со предлог за определување на мерка куќен притвор, што било прифатено од Судијата на претходна постапка. Обвинителството, пак, денеска вели тие барале притвор, но судот не прифатил.
Премиерот Христијан Мицкоски, без да го спомене по име, денеска алудираше дека улога одиграл токму шефот на обвинителството за гонење организиран криминал и корупција Ислам Абази.
Абази беше избран за шеф на обвинителството за гонење организиран криминал и корупција во 2022 година. Сомнежите за негова блискост со раководството на ДУИ ги подгреаја фотографиите на Абази со неговиот соселанец Али Ахмети од Зајас, како и со други функционери на ДУИ.
ОЈО ГОКК соопшти зошто не поднеле жалба: Јахоски бил старател на четири деца, имал оформени цврсти врски со државата, свој бизнис и нарушено здравје.

извор

Доналд Трамп го повлече обезбедувањето на Камала Харис

29 август 2025

Американскиот претседател Доналд Трамп ја укина заштитата на Тајната служба за поранешната потпретседателка и демократска ривалка на изборите за 2024 година, Камала Харис.
Губењето на тајната безбедносна заштита на Харис значи дека таа ќе остане без агентите кои се назначени да ја штитат неа и нејзиниот имот во Лос Анџелес, како и без проактивното разузнавање за закани спроведено за идентификување и спречување на какви било потенцијални закани.
Камала останува без обезбедување во пресрет на нејзината најавена турнеја низ повеќе градови, за промоција на нејзините нови мемоари „107 дена“ кои ги покриваат настаните од нејзината кратка претседателска кампања.

извор

25 земји го запреа поштенскиот сообраќај со САД

29 август 2025

Хрватска и Босна се меѓу 25-те земји кои престанаа со испраќање стока во САД поради неизвесност откако администрацијата на Трамп го укина третманот „de minimis“.
Тој третман дозволуваше пратки во вредност до 800 долари да се испраќаат со минимална документација.
Меѓу земјите се Австралија, Норвешка, Швајцарија, како и германски ДХЛ кој објави привремено суспендирање на повеќето испораки до Америка.
Слободни ќе бидат само пратки што содржат писмени комуникации и „подароци“ испратени од приватни лица до приватни лица, до вкупна вредност од 100 долари.

извор