Вести › Набрзинка

Њујорк Тајмс за желките од Голем град

17 февруари 2026

Необичното однесување и отворените прашања поврзани со потеклото и иднината на желките од островот Голем Град во Преспанското Езеро, се во фокусот на неодамнешен напис на американскиот весник Њујорк Тајмс. Текстот бил поттикнат од новиот научен труд на нашиот херпетолог д-р Драган Арсовски, објавен минатиот месец во реномираното списание “Ecology Letters”.
На островот живеее исклучително густа и навидум просперитетна популација желки. Меѓутоа, зад оваа бројност се крие сериозен проблем: половата структура е драматично нарушена. На секоја возрасна женка има по 19 мажјаци, што претставува екстремна диспропорција со далекусежни последици.
Ваквиот дисбаланс резултира со изразена сексуална агресивност кај мажјаците, кои неретко се обидуваат да се „парат“ и меѓусебно. Женките се изложени на постојан прогон, стрес и физички повреди. Во обид да избегаат од агресијата, дел од женките завршуваат преку стрмните островски карпи - во провалија и сигурна смрт.

* Линк до трудот на д-р Драган Арсовски

* Види и: Што ги натера македонските желки да станат геј?

извор

Полска ќе бара воени репарации и од Русија

17 февруари 2026

Полска најави дека официјално ќе поднесе барање за воени репарации од Русија, за злосторства извршени од Црвената армија во Втората светска војна и во периодот на советските интервенции во Студената војна. Премиерот Доналд Туск наредил формирање тим историчари за да ги проценат штетите.
Варшава веќе побара од Германија да ѝ плати 1.300 милијарди поради злосторствата извршени од нацистичките сили за време на Втората светска војна. Канцеларот Фридрих Мерц одговори дека од перспектива на Берлин, прашањето за репарации одамна е правно и политички затворено.
Бартош Гондек, директор на институтот задолжен од Туск, изјави дека истрагата за Русија е пообемна, со оглед на тоа што Полска поминала четири децении под советско влијание.
Коментирајќи ја заканата од Полска, портпаролката на руското Министерство за надворешни работи, Марија Захарова изјави: „Како репарација, можеме да обезбедиме линк до видеото од операта Иван Сусанин“.

извор

Министер на Зеленски си ги школувал децата со парите за греење на Украинците

17 февруари 2026

Поранешниот украински министер за енергетика, кој е обвинет за злоупотреба на над 100 милиони долари од енергетскиот сектор, може да биде ослободен од притвор со кауција од околу 10 милиони долари.
Херман Халушченко, кој важи за близок до претседателот Зеленски, беше приведен при обид да ја напушти Украина со воз, непосредно пред официјално да му биде предадено известувањето дека е осомничен во случајот со висока корупција „Мидас“ за злоупотреба на 112 милиони долари од енергетскиот сектор, испрани преку офшор структури, криптовалути и инвестиции во фонд регистриран на островот Ангила.
На сметки на семејството на Халушченко во Швајцарија биле префрлени 7,4 милиони долари, плус уште 1,3 милиони швајцарски франци и 2,4 милиони евра во готово.
Парите биле потрошени за образование на децата на Халушченко во престижни училишта во Швајцарија или биле депонирани на сметки на неговата поранешна сопруга.
Во исто време, енергетскиот систем нема средства за поправка по руските бомбардирања и Украинците останаа без струја и греење во неовобичаено студената зима.

извор