Вести › Набрзинка

Немало доволно докази за притвор за барабите кои упаднаа во М-НАВ

7 јануари 2024

Основниот кривичен суд Скопје соопшти дека Основоното јавно овинителство не доставило докази дека бил загрозен воздушниот сообраќај на 4 јануари, кога Беким Незири и уште седуммина насилници упаднаа во Контролната кула на Скопскиот аеродром при што беше натепан контролор на летање на работното место.
Обвинителството бараше притвор за 4 напаѓачи кои се достапни, а по четворица МВР уште трага. Судиите на претходна постапка Пајазит Пајазити (на фотографијата) и Сандра Крстиќ за четворицата досудија само мерки за претпазливост.
Напаѓачите се осомничени за „Загрозување на безбедноста на воздушниот сообраќај“ од чл. 303 ст.2 вв со чл. 22 од Кривичниот законик, кривично дело кое се казнува со најмалку 5 години затвор. Во моментот на нападот, нападнатите контролори воделе 28 авиони на небото над Македонија. Четворица од напаѓачите по кои МВР уште трага, се надворешни лица кои не се вработени во М-НАВ.
„Од која тезга си ја купил судијата Пајазит дипломата? Се држи ко слеп за стап дека не уништиле воздухоплов кој е на писта, а членов има 300 дејствија кои никогаш не може кумулативно да бидат сите исполнети!! Самиот упад, во зона со 3 безбедносни бариери е доволен услов за водење на постапка по овој член! Овој е зрел за у Врховен со вакво размислување!“, пишува долгогодишниот следач на судството, Саше Димовски.

извор

После посетени 43 европски града, во срцето останало Скопје

6 август 2026

Откако посетил 43 европски престолнини, искусниот патник Конрад Варжеха вели дека едно место секогаш заслужува повторно враќање.
Иако некои од најголемите европски градови, како Рим поради неговата единствена атмосфера или Варшава поради богатата гастрономска понуда, го оставиле без здив, неговиот личен фаворит е Скопје.
За нашиот главен град вели дека сè уште го поседува она што многу популарни дестинации одамна го изгубиле - автентичноста.
Особено му се допаднале плоштадот „Македонија“, величествениот Камен мост и живописната Стара чаршија, како и неверојатната мешавина од архитектонски стилови што ја раскажуваат приказната за богатата и слоевита историја на градот. Бил фасциниран од деталите, од грандиозните скулптури и споменици од „Скопје 2014“ до византиското и отоманското наследство што се чувствува на секој чекор.
Вели дека оваа комбинација создава уникатен и малку надреален амбиент што освојува.

извор

Руски „црни вдовици“ се женат со војници заради отштета

6 август 2026

Кога ќе загине руски војник, неговите најблиски добиваат отштета која почнува од 55.000 евра. Таа има за цел да ги увери регрутите дека нивните семејства ќе бидат згрижени ако се случи најлошото.
Но, расте бројот на оние измамнички кои ова го злоупотребуваат. Намамуваат мажи во лажни бракови пред да одат во војна, а потоа го собираат надоместот ако овие загинат, елиминирајќи ги другите роднини од наследството.
Некои се венчаваат и на смртна постела. Медицинска сестра во една руска болница била обвинета дека се омажила за петмина војници за кои се грижела пред да им подлегнат на повредите, за да им ја земе отштетата.
Војниците кои се враќаат од украинските боишта сè почесто се мета и на телефонски и други финансиски измами.

извор