Вести › Набрзинка

Нема оставка, аплаузи и овации за Заев

10 ноември 2021

Највисоките органи на СДСМ препорачаа и едногласно донесоа одлука Заев да ја одложи оставката на неодредено време.
СДСМ го овластила Заев да преговара за зголемување на парламентарното мнозинство. Тој беше дочекан со аплаузи и овации на состанокот на највисоките партиски тела.

„Му ракоплескаа кога си поднесе оставка, му ракоплескаат кога ја повлекува. Овој да земе да ги моча, они ќе му ракоплескаат. Не е до него, до тие што ракоплескаат е. Они се за еутаназија“.
@LegitMacedonia

извор

Артан Груби дава 335.000 евра за да му го вратат пасошот

6 октомври 2026

Мерката куќен притвор за Артан Груби ќе истече на 13 октомври. Согласно Законот за кривичната постапка, притворот во вакви случаи може да трае најмногу 60 дена од денот на поднесувањето на обвинителниот предлог.
И по истекот на куќниот притвор ќе продолжи да важи дополнителната мерка на претпазливост – привремено одземање на патната исправа и забрана за издавање нова патна или друга исправа за преминување на државната граница.
Груби и неговата одбрана бараат и таа мерка да биде укината.
Како гаранција дека ќе биде достапен на органите на прогонот во текот на кривичната постапка, нуди недвижен имот во вредност од 335.707 евра.

извор

500 француски школи се затворени поради протестите

5 октомври 2026

Околу 500 средни училишта во Франција се затворени заради протестите на учениците во нивните лицеи кои минатите денови знаеја да бидат и насилни.
„Безбедносните услови не се исполнети“ гласи официјалната причина за неработењето, особено што за утре се најавени и помасовни протести.
24 училишта биле запалени или ограбени а 78 вработени повредени од почетокот на протестите.
Тинејџерите од француските средни училишта се жалат на чести отсуства од работа од страна на наставниците, предолги училишни денови и дотраени објекти. Тие протестираа и поради недостатокот на соодветно ладење во жешките летни денови.

извор