- Состојбата со водостојот во Дојранско Езеро од ден на ден станува сѐ полоша, така што последните слики од крајбрежјето на најмалото македонско природно езеро потсетуваат на еколошката катастрофа што пред повеќе од три децении го погоди езерото.
- Во моментот нивото на водата на езерото е намалено за повеќе од 1,5 метар.
- Ваквата состојба е резултат од исклучувањето на пумпите што се дел од хидросистемот „Ѓавато“ преку кој езерото се полнеше со вода, а како глава причина зошто системот е ставен надвор од употреба, надлежните ги посочија високите сметки за струја од пумпите.
- „На толку рекламирање струја од обновливи извори, пред сѐ од фотоволтаици и ветерници, гревота е да се остави системот без струја. Таму е потребно да се постави толку мал систем од фотоволтаици што сам по себе ќе биде доволен да го снабдува со електрична енергија целиот хидросистем“ вели поранешниот министер за земјоделство, шумарство и водостопанство, Марјан Ѓорчев.
- По неколкугодишно напредување на Паркинсоновата болест, на 81 година почина екс директорот на ФБИ, Риберт Мулер, во последните години најпознат по тоа што ја водеше јаловата истрага за наводната вмешаност на Русија во американските избори и улогата на Доналд Трамп во тоа.
- „Починал Роберт Мулер. Добро. Драго ми е за тоа. Не ќе може веќе да им напакости на невини луѓе,“ напиша Доналд Трамп по тој повод.
- Мулер беше прв човек на ФБИ од 2001 до 2013 година и има најдолго останато на таа фунција после Едгар Џеј Хувер. Работел на истрагите за Нориега од Панама, њујоршкиот гангстер Џон Гети, експлодирањето на американскиот патнички авион Пан Ам во 1988...
- За бесчуствителноста на пораката на Трамп по повод смртта на Мулер, лидерот на Демократите во Сенатот, Чак Шумер, рече: „Неговата суровост има поента, да го одвлече вниманието од поскапувањето на горивата, неговата бесцелна војна, злоупотребите на мигрантските служби, документите на Епстин....“
- Некои ги сакаат Мартиноски и Личеноски и Кондовски, за мене најголемиот беше Пенушлиски, таа магија никој не може да ја подари на овој свет, на оваа изгубена држава, која има сѐ, а сè прави за да нема ништо. Колку веста за заминувањето на Пенушлиски е болно за оваа држава, толку беше незамисливо и тивкото збогум на неговата и нашата Илинка Митрева.
- Булдожери за Македонија. Нашите чувари на државата, на оваа куќа која кој стига ја расклатува, ја понижува и потпалува, особено баш заради тоа, моравме да ги имаме Илинка и Илчо, застанати на ветрометина, со свои раце ја држеа, кога ја напаѓаа од сите страни. Не знаеме да цениме такви луѓе, да ги чуваме и штитиме. Затоа и имаме ваква држава.
- „Немаше никаква приврзаност кон нештата – само кон идеите, креацијата и луѓето. Беше исклучителен уметник, познат на многумина, но рамнодушен кон тоа да биде познат. Неговите идоли беа уметници, каубои, пијаници и Хозе Мухика“, напиша неговиот син Илија Митрев Пенушлиски.
