Вести › Набрзинка

Не им чини мерката па се караат со метрото

27 април 2025

Рејтингот на премиерот Мицкоски е 25,4%, а на опозициионерот Филипче само 3,8%. На следните избори се очекува висока излезност од 64,4%, ВМРО-ДПМНЕ ќе собере 51,7 % од гласовите, а СДСМ само 10,9%.
На Бихаќка владее нервоза поради анкетите.
„Порталот МКД.мк веќе седум години редовно објавува истражувања на јавносто мислење со агенцијата Маркет вижн. Сите досегашни објавени анкети сосема реално ја прикажаа ситуацијата во македонското општество. Но, СДСМ секогаш посакуваат розеви наочари. Така е и овој пат“, пишува МКД.мк.

извор

Папата Франциско погребан во базиликата Света Марија

26 април 2025

Папата Франциско денеска беше погребан во базиликата Санта Марија Маџоре во Рим, на шест километри од Ватикан.
Тоа е прв поглавар кој таму е погребан после 17-от век и прв чиј вечен дом е надвор од Ватикан во последните 100 години.
Стотици илјади луѓе дојдоа да го испратат, стотина делегации, Трамп, Зеленски, Макрон и други државни и верски свити.
Самата погребна церемонија во базиликата беше приватна, со присуство само на најблиските а ковчегот дрвен, обичен. Во ковчегот е поставен и посебен документ, со попис на клучните точки во неговото 12-годишно папство.
Следуваат девет дена жалост, а потоа 135-те кардинали, членови на конклавата, ќе треба да изберат нов папа.

извор

Русјаков го има тајниот мистичен клуч на Ватикан

26 април 2025

Нордистанското пучанство експертски се трансформира како оние трансфореми што од камиони стануваат роботи. До вчера им се восхитував на експертизите за царински политики, а веќе денес сум опкружен со врвни теолози и биографи на папата Франциск, Бог да го прости.
Mногу експерти верници им се налутија на атеисти, кои имаа да кажат убави зборови за упокоениот папа, затоа што тој крена глас против нееднаквоста, сиромаштијата, геноцидите, војната. Истите тие експерти верници најчесто им се лутат и на своите свештеници, откако од пазар ќе се бапнат на литургија, да запалат свеќа, да ја измачкаат иконата на Пресвета Богородица со десетденарка, па да разврзат комшиски муабети со оние другите, кои од пазар се бапнале на литургија и откако свештеникот ќе им посочи дека храмот не е автобуска станица, лути излегуваат надвор за меѓу себе да споделат експертиза од типот, а бе го знам јас тој поп што мустра е, жена ми го знае неговиот втор братучед, едно ѓубре од човек што просто ми е срам да… и така натаму.
За да биде бељата поголема, папата Франциск почина на Велигден, па освен теолошки експерти се јавија и оние за божествена идеологија. Левичари рипнаа да ни објаснат дека Исус бил левичар и социјалист, на што дотрчаа десничари за да докажат дека Месијата отсекогаш бил демохристијанин. Мене само ми се појави сликата на која лево и десно од Господа на крстот, распнати се разбојници.

извор