Вести › Набрзинка

Наместо повеќе паркинг места, Герасимовски ги поскапе

14 мај 2026

Без претходна анкета, без јавна расправа и без каква и да е консултација со засегнатите граѓани, градоначалникот на Општина Центар Горан Герасимовски, Советот и Директорот на ПОЦ донесоа нов ценовник и нов правилник за јавните паркиралишта.
Семејство чии членови поседуваат две возила регистрирани на иста адреса, но на различни сопственици, почнува да плаќа 6.000 денари годишно за второто возило. За трето возило наплатата е 18.000 денари годишно. Вкупно, семејство со три возила ќе плаќа до 24.000 денари годишно само за паркирање пред сопствениот дом.
Доколку станари на Капиштец возат службено возило а своето право на „субвенциониран“ паркинг го користат затоа што живеат таму (а не затоа што таму прават пари), само за второ возило плаќаат 2.500 денари месечно, односно 30.000 денари годишно!
Дополнително, користењето на паркинзи надвор од сопствениот сектор, кое досега беше бесплатно, сега се наплаќа по 500 денари по возило месечно.

На линкот подолу е петиција за суспендирање на новиот ценовник и барање образложение, војната во Иран или Украина да не го поскапе паркингот во општина Центар?

извор

Пелети – историја на една многу добра идеја која пропадна

1 октомври 2026

Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.

извор

Заради Трамп, масовно се купуваат словенечки домени

1 октомври 2026

Предлогот на американскиот претседател Доналд Трамп за преименување на вештачката интелигенција (AI) во супер интелигенција (SI) повлече рекордно зголемување на регистрациите на словенечки интернет домени (.si).
Националниот регистар на Словенија објави дека во септември имало огромна побарувачка за .si домени: биле регистрирани 44.000 .si адреси, а само месец претходно имало помалку од 2.000.
Тоа е зголемување од речиси 2.200 проценти.
Праксата за шпекулативно купување домени се вика "cyber-squatting" и целта е тој подоцна да се продаде по висока цена. Рик Шворц во 1997 го купи men.com за 15.000 долари. Седум години подоцна го продаде за 1,32 милиони долари.
Толку е веста. Легни.си.

извор