Оџакот на Систинската капела вчера зачурE црно што значи дека нов Папа не е избран па конклавата продолжува денес, кога кардиналите ќе имаат 4 шанси за гласање.
На вториот ден од кадровскиот состанок на кардиналите беше избран неодамна починатиот поглавар Франциско, после пет рунди гласање.
Осум години пред тоа, исто на вториот ден од конклавата, за папа беше избран Германецот Бенедикт 16-ти.
За избор на Папа потребно е двотретинско мнозинство, односно 89 кардиналски гласови.
Поранешниот украински министер за енергетика, кој е обвинет за злоупотреба на над 100 милиони долари од енергетскиот сектор, може да биде ослободен од притвор со кауција од околу 10 милиони долари.
Херман Халушченко, кој важи за близок до претседателот Зеленски, беше приведен при обид да ја напушти Украина со воз, непосредно пред официјално да му биде предадено известувањето дека е осомничен во случајот со висока корупција „Мидас“ за злоупотреба на 112 милиони долари од енергетскиот сектор, испрани преку офшор структури, криптовалути и инвестиции во фонд регистриран на островот Ангила.
На сметки на семејството на Халушченко во Швајцарија биле префрлени 7,4 милиони долари, плус уште 1,3 милиони швајцарски франци и 2,4 милиони евра во готово.
Парите биле потрошени за образование на децата на Халушченко во престижни училишта во Швајцарија или биле депонирани на сметки на неговата поранешна сопруга.
Во исто време, енергетскиот систем нема средства за поправка по руските бомбардирања и Украинците останаа без струја и греење во неовобичаено студената зима.
Средната возраст на населението во Македонија е 42,21 година, додека во ЕУ е 44,9 години, покажуваат податоците на Еуростат за 2025 година.
Во 2015 година средната возраст на луѓето во Македонија била 37,4 години. Зголемувањето на возраста за 4,8 години за само десет години е меѓу највисоките во Европа, односно повеќе од двојно од просекот во ЕУ од 2,1.
Од членките на ЕУ, најбрзо стареат Словенија и Кипар, каде што средната возраст се зголемила за 4,0 години, Италија (3,9) и Грција и Полска (по 3,7).
Зголемување на средната возраст на населението е забележана во сите земји од ЕУ, освен во Германија и во Малта (-0,4 години). Најмладо население има Ирска (39,6 години), а најстаро Италија (49,1 година).
Од земјите во регионот помладо население од нас има само Црна Гора 40,4 години, а постаро Албанија (44,3), Србија (45,4) Хрватска и Словенија (45,5) и Грција и Бугарија (47,2 години).
