Вести › Набрзинка

Н1 и Нова се во потрага по нов инвеститор

1 ноември 2025

Телевизиите Н1 и Нова бараат нивниот сопственик, групација Јунајтед медиа, да ги продаде по пазарни услови. Предлагаат менаџерско преземање во кое би им помогнале кредибилни инвеститори.
На нивната иницијатива се придружија и другите медиуми од истата групација, како што се дневниот лист Данас и неделникот Радар.
Јунајтед медиа одамна соопшти дека не обезбедила финансирање на овие медиуми и дека од ноември ќе започнат отпуштања.
Засегнатите медиуми велат дека не сакаат само да продолжат со работа туку и да ја заштитат новинарската и уредувачка независност.

Види и: Сите станаа Информер

извор

Уапсен посинокот на наследникот на норвешкиот трон

2 февруари 2026

Норвешката полиција синоќа го уапсила Мариус Борг Хојби, 29-годишниот син на принцезата Мете-Марит и посинок на принцот Хакон, поради нови обвинувања за нанесување телесни повреди, закани со нож и прекршување на забраната за движење.
Поради новите обвиненија може да биде задржан во притвор четири недели.
Хојби утре требаше да се појави на суд во врска со посебно обвинение од 38 точки за силување, семејно насилство, напад и поседување дрога. Му беше дозволено да се брани од слобода.
Случајот беше отворен во 2024 година, откако полицијата го осомничи Хојби за физички напад врз жена со која бил во врска. Тој призна дека ѝ нанел телесни повреди на жената додека бил под дејство на кокаин и алкохол и дека го оштетил нејзиниот стан. Ги отфрла обвиненијата за силување.

извор

Иран ги прогласи за терористички војските на сите членки на ЕУ

2 февруари 2026

Исламската Република Иран сега ги смета за „терористички“ војските на сите членки на Европската Унија, како реципрочен одговор откако ЕУ ја прогласи иранската Револуционерна гарда за терористичка група.
„Со обидот да ја нападнат Гардата, која всушност е најголемата пречка за ширење на тероризмот во Европа, Европејците пукаа во себе. Преку слепа послушност кон Американците, донесоа одлука против интересите на сопствениот народ“, изјави претседателот на парламентот, Мохамед Багер Калибаф, кој порано беше командант на Револуционерната гарда.
Како симболичен протест, сите пратеници на седницата биле облечени во униформи на Гардата.
Министерството за надворешни работи објави дека ова е „минималната контрамерка“ на Техеран. Биле разгледани низа мерки и на надлежните тела им биле испратени предлози за одговор на „незаконскиот, неразумен и многу погрешен потег на ЕУ“.
Портпаролот Есмаил Багеи додаде дека се повикани на разговор сите амбасадори на ЕУ во Техеран.

извор